ശിവരാത്രി മണപ്പുറത്ത് കച്ചവടത്തിനെത്തിയവര്‍ തമ്മില്‍ ഏറ്റുമുട്ടി ഒരാള്‍ മരിച്ച സംഭവം:രണ്ട് പേര്‍ പിടിയില്‍

കൊച്ചി: ആലുവ ശിവരാത്രി മണപ്പുറത്ത് കച്ചവടത്തിനെത്തിയവര്‍ തമ്മില്‍ ഏറ്റുമുട്ടി ഒരാള്‍ മരിച്ച സംഭവത്തില്‍ രണ്ട് പേര്‍ പിടിയില്‍. ആലുവ സ്വദേശി സലിം (57), കടവന്ത്ര ഉദയ്‌നഗര്‍ കോളനിയില്‍ താമസിക്കുന്ന രാജ്കുമാര്‍ (രാജു- 68) എന്നിവരാണ് ആലുവ പോലീസിന്റെ പിടിയിലായത്. എറണാകുളത്ത് താമസിക്കുന്ന ദിലീപ് ആണ് സംഘട്ടനത്തില്‍ മരണപ്പെട്ടത്.

ബന്ധുക്കളായ ദിലീപും രാജ്കുമാറും തമ്മില്‍ രാവിലെ മുതല്‍ വഴക്കായിരുന്നു. ഇതില്‍ സലിം ഇടപെട്ടു. തുടര്‍ന്ന് രണ്ടു പേരും ചേര്‍ന്ന് ദിലീപിനെ ആക്രമിക്കുകയായിരുന്നുവെന്ന് പോലിസ് പറഞ്ഞു.എസ്എച്ച്ഒ എല്‍ അനില്‍കുമാറിന്റെ നേതൃത്വത്തിലാണ് അന്വേഷണം നടക്കുന്നത്.