വൈദ്യുതി ബില്ല് അടയ്ക്കാത്തതിന് ജിഎസ്ടി വകുപ്പിന്റെ ഫ്യൂസ് ഊരി കെഎസ്ഇബി

എറണാകുളം: വൈദ്യുതി ബില്ല് അടയ്ക്കാത്തതിനെതുടര്‍ന്ന് ജിഎസ്ടി ഓഫീസിലെ ഫ്യൂസ് ഊരി കെഎസ്ഇബി. എറണാകുളം ആലുവ സെന്‍ട്രല്‍ ജിഎസ്ടി ഓഫീസിലെ ഫ്യൂസാണ് ഇന്ന് രാവിലെ കെഎസ്ഇബി ജീവനക്കാരെത്തി ഊരിയത്. ഇതോടെ ഓഫീസിന്റെ പ്രവര്‍ത്തനവും പ്രതിസന്ധിയിലായി. 70,000 രൂപയാണ് വൈദ്യുതി ബില്ല് കുടിശ്ശികയായി അടയ്ക്കാനുള്ളത്. കുടിശിക വരുത്തിയതോടെയാണ് ഫ്യൂസ് ഊരിയതെന്നാണ് കെഎസ്ഇബി അധികൃതര്‍ പറയുന്നത്.