യുവാവ് പ്ലാവില്‍ നിന്ന് വീണ് മരിച്ചു

അരികോട്: ഊര്‍ങ്ങാട്ടിരി ചേലക്കോടില്‍ പ്ലാവില്‍ നിന്ന് വീണ് യുവാവ് മരിച്ചു. ചേലക്കോട് മൊയ്തീന്‍ കുട്ടിയുടെ മകന്‍ ചീമാടന്‍ സിദ്ദീഖ് (39) ആണ് മരിച്ചത്.

ഞായറാഴ്ചയായിരുന്നു സംഭവം. ഉടന്‍ തന്നെ കോഴിക്കോട് സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മരണശേഷം നടത്തിയ പരിശോധനയില്‍ ഇദ്ദേഹത്തിന് കൊവിഡ് സ്ഥിരികരിക്കുകയും ചെയ്തു. കോഴിക്കോട് മെഡിക്കല്‍ കോളജ് ആശുപത്രിയില്‍ നിന്നു പോസ്റ്റ്‌മോര്‍ട്ടം നടത്തി കൊവിഡ് പ്രോട്ടോകോള്‍ പാലിച്ച് ആരോഗ്യ പ്രവര്‍ത്തകരുടെ സാനിധ്യത്തില്‍ പോപുലര്‍ ഫ്രണ്ട് പ്രവര്‍ത്തകര്‍ ഖബറടക്കി.

ഭാര്യ: ഹുസ്‌ന. മക്കള്‍: നസ്‌ന സിദ്ദീഖ്, റസ്‌ന സിദ്ദിഖ്, ലസ്‌ന സിദ്ദിഖ്, മുഹമ്മത് ബഷീര്‍. പോപുലര്‍ ഫ്രണ്ട് മലപ്പുറം ഈസ്റ്റ് ജില്ല അരീക്കോട് ഡിവിഷന്‍ തച്ചണ്ണ യൂണിറ്റിലെ പ്രവര്‍ത്തകനായിരുന്നു മരണപ്പെട്ട ചീമാടന്‍ സിദ്ദീഖ്.