റേഷന് കാര്ഡ് മസ്റ്ററിങ്: ആശങ്കകളകറ്റാതെ മസ്റ്ററിങ് നടത്തരുത്- എസ് ഡിപിഐ
മലപ്പുറം: റേഷന് കാര്ഡ് മസ്റ്ററിങിനായി സാങ്കേതിക പ്രശ്നങ്ങള് പരിഹരിക്കാതെയും ഉയര്ന്നുവന്ന ആശങ്കകള് പരിഹരിക്കാതെയും മസ്റ്ററിന് നടപടികളുമായി മുന്നോട്ടുപോവരുതെന്ന് എസ്ഡിപിഐ മലപ്പുറം ജില്ലാ വൈസ് പ്രസിഡന്റ് എ ബീരാന് കുട്ടി പറഞ്ഞു. മൂന്ന് ദിവസത്തെ റേഷന് വിതരണം നിര്ത്തിവച്ചാണ് മസ്റ്ററിങ് നടത്താന് സര്ക്കാര് തീരുമാനിച്ചത്. എന്നാല്, ഇപ്പോള് റേഷനുമില്ല, മസ്റ്ററിങുമില്ലാത്ത അവസ്ഥയാണ്. ഇത് ജനങ്ങളെ ദുരിതത്തിലാക്കുന്ന നടപടിയാണ്. സെര്വര് തകരാറിനെ തുടര്ന്നാണ് സംസ്ഥാനത്ത് റേഷന് മസ്റ്ററിങ് മുടങ്ങിയിരിക്കുന്നത് എന്നാണ് സര്ക്കാര് പറയുന്നത്. റേഷന് വിതരണത്തില് തന്നെ സര്വര് തകരാറുകള് നിത്യസംഭവമായിരിക്കെ അത് പൂര്ണമായി പരിഹരിക്കാതെയുള്ള മസ്റ്ററിങ് ജനദ്രോഹ നടപടിയാണ്. മസ്റ്ററിങിനായി ഇന്ന് രാവിലെ റേഷന് കടകളിലും ഇതിനായി സജ്ജമാക്കിയ പ്രത്യേക കേന്ദ്രങ്ങളിലും എത്തിയവര് ഏറെനേരം കാത്തിരുന്ന ശേഷം മടങ്ങിപ്പോവേണ്ട അവസ്ഥയാണ് ഉണ്ടായത്. ഇത് ആവര്ത്തിക്കാതിരിക്കാനുള്ള നടപടികള് കൈക്കൊള്ളണമെന്നും എസ്ഡിപിഐ ജില്ലാ വൈസ് പ്രസിഡന്റ് എ ബീരാന് കുട്ടി ആവശ്യപ്പെട്ടു.
RELATED STORIES
മണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT'മുസ് ലിം വോട്ട് വേണം, സ്ഥാനാര്ഥികളെ വേണ്ട'; മഹാരാഷ്ട്ര കോണ്ഗ്രസ്...
27 April 2024 5:48 AM GMTപ്രതീക്ഷയും ആശങ്കയും ഒരു പോലെ, പോളിങ് ശതമാനത്തിലെ കുറവ്...
27 April 2024 5:36 AM GMTമനീഷ് സിസോദിയ ഉള്പ്പെടെയുള്ളവരുടെ റിമാന്റ് മെയ് എട്ടുവരെ നീട്ടി
27 April 2024 5:04 AM GMTജുഡീഷ്യറി വിരുദ്ധ പരാമര്ശം: മമതാ ബാനര്ജിക്കെതിരായ ഹരജി കല്ക്കട്ട...
27 April 2024 4:59 AM GMTകാണാതായ 10ാം ക്ലാസ്സ് വിദ്യാര്ഥിനിയും സുഹൃത്തായ യുവാവും തൂങ്ങി...
27 April 2024 2:47 AM GMT