ഖാര്‍ഗ് ദ്വീപില്‍ നിന്നുള്ള എണ്ണ കയറ്റുമതി പതിവുപോലെ തുടരുന്നുണ്ടെന്നും വിതരണം തടസ്സപ്പെട്ടിട്ടില്ലെന്നും ഇറാന്‍

തെഹ്‌റാന്‍: ഖാര്‍ഗ് ദ്വീപില്‍ നിന്നുള്ള എണ്ണ കയറ്റുമതി പതിവുപോലെ തുടരുന്നുണ്ടെന്നും അവിടത്തെ എണ്ണക്കമ്പനികളുടെ പ്രവര്‍ത്തനങ്ങളെ ഒന്നും ബാധിച്ചിട്ടില്ലെന്നും ഒരു ഇറാനിയന്‍ ഉദ്യോഗസ്ഥന്‍ പറഞ്ഞു.

ഇറാനിയന്‍ വാര്‍ത്താ ഏജന്‍സികളായ ഐആര്‍എന്‍എയും തസ്‌നിമും പറയുന്നതനുസരിച്ച്, ദ്വീപിലെ ജോലികള്‍ സാധാരണഗതിയില്‍ പുരോഗമിക്കുന്നുണ്ടെന്നും എണ്ണ വിതരണം തടസ്സപ്പെട്ടിട്ടില്ലെന്നും ഉദ്യോഗസ്ഥന്‍ പറഞ്ഞു.

ഖാര്‍ഗ് ദ്വീപിലെ സൈനിക താവളങ്ങള്‍ ലക്ഷ്യമിട്ട് യുഎസ് ആക്രമണം നടത്തിയതിന് പിന്നാലെയാണ് പ്രസ്താവന. ഹോര്‍മുസ് കടലിടുക്ക് ഇറാന്‍ ഉപരോധിക്കുന്നത് തുടര്‍ന്നാല്‍ അവിടത്തെ സുപ്രധാന എണ്ണ ശാലകള്‍ ആക്രമിക്കപ്പെടുമെന്ന് യുഎസ് മുന്നറിയിപ്പ് നല്‍കി.ഇറാന്റെ മൊത്തം എണ്ണ കയറ്റുമതിയുടെ 90 ശതമാനത്തിലധികവും ഇവിടെ നിന്നാണ് കയറ്റുമതി ചെയ്യുന്നത് എന്നതിനാല്‍ ഖാര്‍ഗ് ദ്വീപ് ഇറാനെ സംബന്ധിച്ചിടത്തോളം വളരെ പ്രധാനമാണ്.