Kerala

വാക്‌സിന്‍ ചലഞ്ച്: കൊച്ചി നഗരസഭ ജീവനക്കാര്‍ 30 ലക്ഷം രൂപ കൈമാറി

നഗരസഭയിലെ ജീവനക്കാരുടെ മാറ്റി വച്ച ശമ്പളത്തിന്റെ ആദ്യ ഗഡു 29,12,540രൂപയും കര്‍ഷകരെ സഹായിക്കുന്നതിനായി കേരള മുനിസിപ്പല്‍ ആന്റ് കോര്‍പ്പറേഷന്‍ സ്റ്റാഫ് യൂണിയന്‍ കെഎംസിഎസ് യു കൊച്ചി യൂനിറ്റ് സംഘടിപ്പിച്ച കപ്പ- പൈനാപ്പിള്‍ ചലഞ്ചിലൂടെ സമാഹരിച്ച 1,27,810/ രൂപയും ഉള്‍പ്പെടെ 30,40,350 രൂപയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറിയത്

വാക്‌സിന്‍ ചലഞ്ച്: കൊച്ചി നഗരസഭ ജീവനക്കാര്‍ 30 ലക്ഷം രൂപ കൈമാറി
X

കൊച്ചി: കൊച്ചി നഗരസഭയിലെ ജീവനക്കാരുടെ മാറ്റി വച്ച ശമ്പളത്തിന്റെ ആദ്യ ഗഡു 29,12,540രൂപയും കര്‍ഷകരെ സഹായിക്കുന്നതിനായി കേരള മുനിസിപ്പല്‍ ആന്റ് കോര്‍പ്പറേഷന്‍ സ്റ്റാഫ് യൂണിയന്‍ കെഎംസിഎസ് യു കൊച്ചി യൂനിറ്റ് സംഘടിപ്പിച്ച കപ്പ- പൈനാപ്പിള്‍ ചലഞ്ചിലൂടെ സമാഹരിച്ച 1,27,810/ രൂപയും ഉള്‍പ്പെടെ ആകെ 30,40,350 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി.

കൊച്ചി കോര്‍പ്പറേഷന്‍ ഓഫീസ് പരിസരത്ത് വച്ച് നടന്ന ചടങ്ങില്‍ ഡെപ്യൂട്ടി മേയര്‍ കെ എ അന്‍സിയക്ക് ജീവനക്കാരുടെ ശമ്പളത്തില്‍ നിന്നുളള തുക കെഎംസിഎസ് യു യൂനിറ്റ് പ്രസിഡന്റ് കെ ബി ബിനൂപും, വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പി ആര്‍ റെനീഷിന് കപ്പ - പൈനാപ്പിള്‍ ചലഞ്ചിലൂടെ സമാഹരിച്ച തുക യൂനിറ്റ് സെക്രട്ടറി എന്‍ ഇ സൂരജും കൈമാറി.

നഗരസഭ ആരോഗ്യ കാര്യസ്റ്റാന്റിംഗ് കമ്മിറ്റി ചെയര്‍മാന്‍ ടി കെ അഷറഫ്, വിദ്യാഭ്യാസ കാര്യ സ്റ്റാന്റിംഗ് കമ്മിറ്റി ചെയര്‍മാന്‍ വി എ ശ്രീജിത്ത് എന്നിവരും കേരള മുനിസിപ്പല്‍ ആന്റ് കോര്‍പ്പറേഷന്‍ സ്റ്റാഫ് യൂണിയന്‍ കെഎംസിഎസ് യു സംസ്ഥാന കമ്മിറ്റി അംഗങ്ങളായ പി ഡി സാജന്‍, വിനുജോസഫ്, ജില്ലാ സെക്രട്ടറി സ്റ്റാലിന്‍ ജോസ് യൂനിറ്റ് ട്രഷറര്‍ കെ എസ് സുദര്‍ശന സംസാരിച്ചു.

Next Story

RELATED STORIES

Share it