ഹോര്‍മുസ് കടലിടുക്ക് മറികടന്ന് സൗദി ഏഴ് ദശലക്ഷം ബാരല്‍ എണ്ണ പമ്പ് ചെയ്യുന്നതായി റിപ്പോര്‍ട്ട്

റിയാദ്: ഹോര്‍മുസ് കടലിടുക്ക് മറികടന്ന് സൗദി അറേബ്യയുടെ കിഴക്ക്-പടിഞ്ഞാറ് പൈപ്പ്ലൈന്‍ വഴി പ്രതിദിനം ഏഴ് ദശലക്ഷം ബാരല്‍ ക്രൂഡ് ഓയില്‍ പൂര്‍ണ്ണ ശേഷിയില്‍ പമ്പ് ചെയ്യുന്നുണ്ടെന്ന് മേഖലയിലെ പ്രതിനിധിയെ ഉദ്ധരിച്ച് ബ്ലൂംബെര്‍ഗ് ന്യൂസ് റിപ്പോര്‍ട്ട് ചെയ്തു.

ചെങ്കടലിലെ സൗദി അറേബ്യയുടെ യാന്‍ബു തുറമുഖത്ത് നിന്നുള്ള ക്രൂഡ് ഓയില്‍ കയറ്റുമതി ഇപ്പോള്‍ പ്രതിദിനം 5 ദശലക്ഷം ബാരലിലെത്തി. കൂടാതെ രാജ്യം പ്രതിദിനം 700,000 മുതല്‍ 900,000 ബാരല്‍ വരെ എണ്ണ ഉല്‍പ്പന്നങ്ങള്‍ കയറ്റുമതി ചെയ്യുന്നുണ്ടെന്നും ബ്ലൂംബെര്‍ഗ് റിപ്പോര്‍ട്ട് പറഞ്ഞു.

അതേസമയം ഇത് സംബന്ധിച്ച് സ്ഥിരീകരണം ലഭിച്ചില്ലെന്ന് അല്‍ ജസീറ റിപോര്‍ട്ട് ചെയ്തു. സൗദി അറേബ്യയുടെ അരാംകോ 2223.SE ചോദ്യങ്ങളോട് പ്രതികരിച്ചില്ലെന്നും അല്‍ ജസീറ റിപോര്‍ട്ട് ചെയ്തു.