കൊല്ലത്ത് ഭാര്യയെ കുത്തി പരിക്കേല്‍പ്പിച്ചു; ഭര്‍ത്താവ് അറസ്റ്റില്‍

കൊല്ലം: കരുനാഗപ്പള്ളിയില്‍ ഭാര്യയെ ഭര്‍ത്താവ് കുത്തി പരിക്കേല്‍പ്പിച്ചു. കരുനാഗപ്പള്ളി സ്വദേശി ചിഞ്ചുവിനെയാണ് പ്രതി പ്രശോഭ് റോഡില്‍ തടഞ്ഞു നിര്‍ത്തി ആക്രമിച്ചത്. ഇന്നലെ വൈകിട്ട് അഞ്ച് മണിയോടെയായിരുന്നു സംഭവം.

കണ്ണമ്പള്ളി ക്ഷേത്രത്തിന് സമീപം റോഡില്‍ തടഞ്ഞു നിര്‍ത്തിയായിരുന്നു ആക്രമണം. ആക്രമണം തടയുന്നതിനിടെ യുവതിയുടെ കൈമുട്ടിന് താഴെ ആഴത്തില്‍ മുറിവേറ്റു. കുടുംബ പ്രശ്‌നങ്ങളെ തുടര്‍ന്ന് യുവതി ചവറ പോലിസില്‍ പരാതി നല്‍കിയിരുന്നു. ഇതിന്റെ വൈരാഗ്യത്തിലാണ് ആക്രമിച്ചതെന്ന് പോലിസ് അറിയിച്ചു. പ്രതിയെ കരുനാഗപ്പള്ളി പോലിസ് അറസ്റ്റ് ചെയ്തു.