ബിനോയ് കോടിയേരിക്കെതിരായ പീഡനക്കേസ്: മുംബൈ പോലിസ് ഉടന് കുറ്റപത്രം നല്കും
വിവാഹ വാഗ്ദാനം നല്കി പീഡിപ്പിച്ചെന്നു ചൂണ്ടിക്കാട്ടി കഴിഞ്ഞ വര്ഷം ബിഹാര് സ്വദേശിനിയുടെ പരാതിയിലാണ് ബിനോയിക്കെതിരേ കുറ്റപത്രം സമര്പ്പിക്കാനൊരുങ്ങുന്നത്.
മുംബൈ: കോടിയേരി ബാലകൃഷ്ണന്റെ മൂത്ത മകന് ബിനോയ് കോടിയേരിക്കെതിരായ പീഡനക്കേസില് മുംബൈ പോലിസ് ഉടന് കുറ്റപത്രം നല്കും. ഇതിനായുള്ള ഒരുക്കത്തിലാണ് മുംബൈ പോലിസ്. വിവാഹ വാഗ്ദാനം നല്കി പീഡിപ്പിച്ചെന്നു ചൂണ്ടിക്കാട്ടി കഴിഞ്ഞ വര്ഷം ബിഹാര് സ്വദേശിനിയുടെ പരാതിയിലാണ് ബിനോയിക്കെതിരേ കുറ്റപത്രം സമര്പ്പിക്കാനൊരുങ്ങുന്നത്. തന്റെ കുഞ്ഞിന്റെ അച്ഛന് ബിനോയ് ആണെന്നും യുവതി ആരോപിച്ചിരുന്നു.
കേസ് റദ്ദാക്കണം എന്നാവശ്യപ്പെട്ടുള്ള ബിനോയിയുടെ ഹര്ജി 2021 ജൂണിലേക്ക് പരിഗണിക്കാനായി മാറ്റിയിരിക്കുകയാണ്. യുവതിയുടെ കുഞ്ഞിന്റെ പിതൃത്വം തെളിയിക്കാനായി ഡിഎന്എ പരിശോധന നടത്തിയിരുന്നു. ഡിഎന്എ പരിശോധനാ റിപ്പോര്ട്ട് രഹസ്യരേഖയായി സമര്പ്പിക്കാന് കോടതി നിര്ദേശിച്ചിരുന്നു. എന്നാല് ഫലം ഇതുവരെ കോടതിയില് സമര്പ്പിച്ചിട്ടില്ല. ബിനോയിക്ക് എതിരെ നല്കിയ പരാതി ഒത്തുതീര്പ്പാക്കി എന്നുളള പ്രചാരണം യുവതി നിഷേധിച്ചിട്ടുണ്ട്.
പോലിസ് കേസില് കുറ്റപത്രം കോടതിയില് സമര്പ്പിച്ചതിന് ശേഷം ഡിഎന്എ റിപ്പോര്ട്ട് ആവശ്യപ്പെട്ട് ഹൈക്കോടതിയില് ഹര്ജി നല്കാനാണ് യുവതിയുടെ നീക്കം. ദുബയില് വെച്ചാണ് ബിനോയിയെ പരിചയപ്പെട്ടതും അടുപ്പത്തിലായതുമെന്ന് യുവതി പരാതിയില് പറയുന്നു. അവിടെ ബാര് നര്ത്തകിയായിരുന്ന യുവതിയുമായി ബിനോയിയുമായി അടുപ്പത്തിലാവുകയും തുടര്ന്ന് ഗര്ഭിണിയാവുകയും ചെയ്തു. തുടര്ന്ന് 2009ല് നാട്ടിലേക്ക് മടങ്ങി. ആദ്യമൊക്കെ ബിനോയ് ചിലവ് വഹിച്ചിരുന്നുവെന്നും പിന്നീട് ഒഴിഞ്ഞുമാറുകയായിരുന്നുവെന്നും യുവതി പരാതിയില് ചൂണ്ടിക്കാട്ടിയിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT