മകന്റെ കുത്തേറ്റ് കുടല്മാല പുറത്തുചാടി; ഗുരുതരാവസ്ഥയിലായിരുന്ന വീട്ടമ്മ മരിച്ചു
അങ്കമാലി നായത്തോട് പുതുശ്ശേരി വീട്ടില് പരേതനായ കുഞ്ഞുമോന്റെ ഭാര്യ മേരി (51) ആണ് മരിച്ചത്. മകന് കിരണിന്റെ കുത്തേറ്റ് കോട്ടയം മെഡിക്കല് കോളേജ് ആശുപത്രിയില് ഗുരുതരാവസ്ഥയില് ചികിത്സയിലായിരുന്നു മേരി.
![മകന്റെ കുത്തേറ്റ് കുടല്മാല പുറത്തുചാടി; ഗുരുതരാവസ്ഥയിലായിരുന്ന വീട്ടമ്മ മരിച്ചു മകന്റെ കുത്തേറ്റ് കുടല്മാല പുറത്തുചാടി; ഗുരുതരാവസ്ഥയിലായിരുന്ന വീട്ടമ്മ മരിച്ചു](https://www.thejasnews.com/h-upload/2022/08/14/200480-new-project-2022-08-14t140042787.jpg)
അങ്കമാലി: മകന്റെ കുത്തേറ്റ് ഗുരുതരാവസ്ഥയിലായ വീട്ടമ്മ മരിച്ചു. അങ്കമാലി നായത്തോട് പുതുശ്ശേരി വീട്ടില് പരേതനായ കുഞ്ഞുമോന്റെ ഭാര്യ മേരി (51) ആണ് മരിച്ചത്. മകന് കിരണിന്റെ കുത്തേറ്റ് കോട്ടയം മെഡിക്കല് കോളേജ് ആശുപത്രിയില് ഗുരുതരാവസ്ഥയില് ചികിത്സയിലായിരുന്നു മേരി.
ഈ മാസം ഒന്നാം തീയതിയാണ് ആക്രമണമുണ്ടായത്. സംഭവ സമയത്ത് കിരണും മാതാവും മാത്രമാണ് വീട്ടില് ഉണ്ടായിരുന്നത്. വീട്ടില് പലപ്പോഴും വഴക്ക് പതിവായിരുന്നു. മേരിയെ കുത്തിയ കാര്യം കിരണ് ബന്ധു വീടുകളിലും അയല് വീടുകളിലും അറിയിച്ചുവെങ്കിലും ആരും സഹായത്തിനെത്തിയിരുന്നില്ല. പിന്നീട് കിരണ് തന്നെയാണ് മേരിയെ ആശുപത്രിയിലെത്തിച്ചത്.
ആഴത്തിലുള്ള കുത്തില് കുടല്മാല പുറത്തുവന്ന് മേരി അത്യാസന്ന നിലയിലായിരുന്നു. അങ്കമാലി എല്എഫ് ആശുപത്രിയില് പ്രവേശിപ്പിച്ചിരുന്ന മേരിയുടെ തലയില് രക്തം കട്ടപിടിച്ചു കിടക്കുന്നത് ശ്രദ്ധയില് പെട്ടതിനാലാണ് കോട്ടയം മെഡിക്കല് കോളജിലേക്ക് മാറ്റിയത്.
മകന് കിരണിനെ (27) നെടുമ്പാശ്ശേരി പോലിസ് അറസ്റ്റ് ചെയ്തിരുന്നു. കിരണ് ആലുവ സബ് ജയിലില് റിമാന്ഡിലാണ്. അടിപിടി കേസുകളിലും മാല മോഷണ കേസുകളിലും പ്രതിയായ കിരണ് മുമ്പ് ജയില് ശിക്ഷ അനുഭവിച്ചിട്ടുണ്ട്.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT