Top

മാസ്‌ക് ധരിക്കാത്തതിന് പോലിസ് ഉദ്യോഗസ്ഥന്‍ യുവതിയെ ബലാല്‍സംഗം ചെയ്തു

സൂറത്തിലെ ഉമര്‍പദ പോലിസ് സ്‌റ്റേഷനിലെ കോണ്‍സ്റ്റബില്‍ നരേഷ് കപാഡിയക്കെതിരേയാണ് യുവതി ആരോപണവുമായി മുന്നോട്ട് വന്നിരിക്കുന്നത്.

മാസ്‌ക് ധരിക്കാത്തതിന് പോലിസ് ഉദ്യോഗസ്ഥന്‍ യുവതിയെ ബലാല്‍സംഗം ചെയ്തു
X

അഹമ്മദാബാദ്: മുഖംമൂടി ധരിക്കാത്തതിന്റെ പേരില്‍ പോലിസ് കോണ്‍സ്റ്റബിള്‍ യുവതിയെ ബലാത്സംഗം ചെയ്തു. ഗുജറാത്തിലെ സൂറത്തിലാണ് ഈ ഞെട്ടിപ്പിക്കുന്ന സംഭവം അരങ്ങേറിയത്. സൂറത്തിലെ ഉമര്‍പദ പോലിസ് സ്‌റ്റേഷനിലെ കോണ്‍സ്റ്റബില്‍ നരേഷ് കപാഡിയക്കെതിരേയാണ് യുവതി ആരോപണവുമായി മുന്നോട്ട് വന്നിരിക്കുന്നത്. മാസ്‌ക് ധരിക്കാതെ ചുറ്റിനടന്നതിന് കോണ്‍സ്റ്റബിള്‍ യുവതി കസ്റ്റഡിയിലെടുത്തിരുന്നു. തുടര്‍ന്ന് അറസ്റ്റ് ചെയ്യുമെന്ന് ഭീഷണിപ്പെടുത്തി പ്രതി പല്‍സാനയില്‍ നിന്ന് തന്നെ തട്ടിക്കൊണ്ടുപോയി ബലാല്‍സംഗം ചെയ്യുകയായിരുന്നുവെന്ന് യുവതി ആരോപിച്ചു.

നടപടി സ്വീകരിക്കുമെന്ന് ഭീഷണിപ്പെടുത്തി അടുത്തിടെ നിരവധി തവണ ബലാല്‍സംഗത്തിനിരയാക്കിയെന്നും യുവതി പരാതിയില്‍ പറയുന്നു. സംഭവത്തില്‍ പോലിസ് അന്വേഷണം ആരംഭിച്ചു. 2020 ലോക്ക്ഡൗണ്‍ സമയത്ത് പാല്‍സാനയില്‍ താമസിക്കുന്ന യുവതി പാല്‍ വാങ്ങാന്‍ വീട്ടില്‍ നിന്ന് ഇറങ്ങിയപ്പോള്‍ മാസ്‌ക് ധരിക്കാത്തതിന്റെ പേരില്‍ പോലിസ് കോണ്‍സ്റ്റബിള്‍ യുവതിയെ തടയുകയും തുടര്‍ന്ന് നടപടിയെടുക്കുമെന്ന് ഭീഷണിപ്പെടുത്തി അറസ്റ്റ് ചെയ്യുകയും ചെയ്തു. തുടര്‍ന്ന് യുവതിയെ പോലീസ് സ്‌റ്റേഷനിലേക്ക് കൊണ്ടുപോകുന്നതിനുപകരം അയാള്‍ അവളെ നവസാരി റോഡിലെ ആളൊഴിഞ്ഞ സ്ഥലത്തേക്ക് കൊണ്ടുപോയി.

തുടര്‍ന്ന് വിവസ്ത്രയാക്കുകയും മര്‍ദ്ദിക്കുകയും ബലാല്‍സംഗം ചെയ്യുകയും ചെയ്തു. തുടര്‍ന്ന് നഗ്നചിത്രങ്ങളും മൊബൈലില്‍ പകര്‍ത്തി. പിന്നീട് ഈ ഫോട്ടോഗ്രാഫുകള്‍ ഉപയോഗിച്ച് യുവതിയെ ഭീഷണിപ്പെടുത്തുകയും ബലാത്സംഗം തുടരുകയുമായിരുന്നു.

Next Story

RELATED STORIES

Share it