ഇസ്രായേലിനു നേരെയുള്ള മിസൈല്‍ ആക്രമണത്തിന്റെ ഉത്തരവാദിത്തം ഹൂത്തികള്‍ ഏറ്റെടുത്തു

ലബ്‌നാന്‍: ഒരു മാസം നീണ്ടുനിന്ന യുദ്ധത്തില്‍ ഇസ്രായേലിനു നേരെയുള്ള ആദ്യ മിസൈല്‍ ആക്രമണത്തിന്റെ ഉത്തരവാദിത്തം യെമനിലെ ഹൂത്തികള്‍ ഏറ്റെടുത്തു.

തെക്കന്‍ വെസ്റ്റ് ബാങ്കിലെ ഇസ്രായേല്‍ സൈനിക സ്ഥാനങ്ങള്‍ ലക്ഷ്യമിട്ട് ബാലിസ്റ്റിക് മിസൈലുകളുടെ ഒരു ആക്രമണം നടത്തിയതായി അവര്‍ പറഞ്ഞു.

ലബ്‌നാന്‍, ഇറാന്‍, ഫലസ്തീന്‍ എന്നിവിടങ്ങളിലെ അടിസ്ഥാന സൗകര്യങ്ങള്‍ക്കെതിരായ ആക്രമണങ്ങള്‍ക്കും സാധാരണക്കാരുടെ മരണത്തിനും മറുപടിയായാണ് ആക്രമണം നടത്തിയതെന്ന് ഹൂത്തികള്‍ പ്രസ്താവനയില്‍ പറഞ്ഞു.

ലക്ഷ്യം കൈവരിക്കുന്നതുവരെയും എല്ലാ ചെറുത്തുനില്‍പ്പ് മുന്നണികള്‍ക്കുമെതിരെയുള്ള ആക്രമണങ്ങള്‍ അവസാനിപ്പിക്കുന്നതുവരെയും തങ്ങളുടെ പ്രചാരണം തുടരുമെന്നും അവര്‍ അറിയിച്ചു.