ബിഹാറി യുവതിക്ക് പലപ്പോഴായി ബിനോയ് ലക്ഷങ്ങള് കൈമാറി; തെളിവായി രേഖകള്
ഐസിഐസിഐ ബാങ്കിന്റെ അന്ധേരി വെസ്റ്റ് ശാഖയിലെ യുവതിയുടെ അക്കൗണ്ടിലേക്ക് ബിനോയ് പല തവണ പണമയച്ചതായുള്ള തെളിവുകള് യുവതി പോലിസിന് കൈമാറി. 50,000 രൂപ മുതല് നാല് ലക്ഷം രൂപ വരെ പലപ്പോഴായി യുവതിക്ക് കൈമാറിയതായി മുംബൈ പോലിസ് അറിയിച്ചതായി ഏഷ്യാനെറ്റ് ന്യൂസ് റിപോര്ട്ട് ചെയ്യുന്നു.
മുംബൈ: ലൈംഗിക പീഡനക്കേസില് ബിനോയ് കോടിയേരിക്കെതിരെ കൂടുതല് രേഖകള് പുറത്തുവിട്ട് പരാതിക്കാരിയുടെ കുടുംബം. പാസ്പോര്ട്ടില് ഭര്ത്താവിന്റെ പേരിന്റെ സ്ഥാനത്ത് ബിനോയ് കോടിയേരിയുടെ പേര് രേഖപ്പെടുത്തിയ പാസ്പോര്ട്ടിന്റെ പകര്പ്പിനു പിന്നാലെ ബാങ്കിടപാട് രേഖകളും ഹാജരാക്കി ബിഹാറി യുവതി. ബാങ്ക് പാസ്ബുക്കിലും ഭര്ത്താവിന്റെ പേരിന്റെ സ്ഥാനത്തും ബിനോയിയുടെ പേര് രേഖപ്പെടുത്തിയിട്ടുണ്ട്.
ഐസിഐസിഐ ബാങ്കിന്റെ അന്ധേരി വെസ്റ്റ് ശാഖയിലെ യുവതിയുടെ അക്കൗണ്ടിലേക്ക് ബിനോയ് പല തവണ പണമയച്ചതായുള്ള തെളിവുകള് യുവതി പോലിസിന് കൈമാറി. 50,000 രൂപ മുതല് നാല് ലക്ഷം രൂപ വരെ പലപ്പോഴായി യുവതിക്ക് കൈമാറിയതായി മുംബൈ പോലിസ് അറിയിച്ചു.
നേരത്തെ പോലിസിന് കൈമാറിയ രേഖയാണ് ഇപ്പോള് യുവതിയുടെ കുടുംബം പുറത്തുവിട്ടത്. 2009 മുതല് 2015വരെ ബിനോയ് തനിക്ക് പണം തന്നിരുന്നു എന്നായിരുന്നു യുവതിയുടെ മൊഴി. യുവതിയുടെ പാസ്പോര്ട്ടില് ഭര്ത്താവിന്റെ സ്ഥാനത്ത് ബിനോയ് വിനോദിനി ബാലകൃഷ്ണന് എന്നാണ് രേഖപ്പെടുത്തിയിട്ടുള്ളത്. പാസ്പോര്ട്ടിന്റെ പകര്പ്പും കുടുംബം പുറത്തുവിട്ടിരുന്നു.ഒളിവിലുള്ള ബിനോയ്ക്കായി പോലിസ് തിരച്ചില് തുടരുന്നുണ്ടെങ്കിലും മുന്കൂര് ജാമ്യാപേക്ഷയില് ഉത്തരവ് വരുംവരെ ലുക്കൗട്ട് നോട്ടീസിറക്കേണ്ടെന്ന തീരുമാനത്തിലാണ് പോലിസുള്ളത്.
നാളെയാണ് മുംബൈ സെഷന്സ് കോടതി ബിനോയിയുടെ മുന്കൂര് ജാമ്യാപേക്ഷയില് ഉത്തരവ് പുറപ്പെടുവിക്കുക. കേസില് ബലാല്സംഗ കുറ്റം നിലനില്ക്കില്ലെന്നായിരുന്നു പ്രതിഭാഗം വാദിച്ചത്. 2009 മുതല് 2015വരെയുവതിയും ബിനോയിയും ഭാര്യാ ഭര്ത്താക്കന്മാരെപോലെ ജീവിച്ചെന്ന് യുവതി പറയുമ്പോള് എങ്ങനെയാണ് ബലാല്ല്സംഗക്കുറ്റം നിലനില്ക്കുക എന്നായിരുന്നു പ്രതിഭാഗത്തിന്റെ ചോദ്യം. എന്നാല് വിവാഹവാഗ്ദാനം നടത്തി ലൈംഗിക ചൂഷണം നടത്തുന്നത് പീഡനത്തിന്റെ പരിധിയില് വരുന്ന കുറ്റമാണെന്നാണ് പ്രോസിക്യൂഷന് വാദം.
അതിനിടെ, പരാതിക്കാരിയുടെ കുട്ടിയുടെ ജനന സര്ട്ടിഫിക്കറ്റിലും അച്ഛന്റെ പേര് ബിനോയ് എന്നാണ് രേഖപ്പെടുത്തിയിട്ടുള്ളത്.2010ല് മുംബൈ മുന്സിപ്പല് കോര്പറേഷനിലാണ് ജനനം റജിസ്റ്റര് ചെയ്തത്. പോലിസില് സമര്പ്പിച്ച ജനന സര്ട്ടിഫിക്കറ്റിന്റെ പകര്പ്പ് മാധ്യമങ്ങള് പുറത്തുവിട്ടിട്ടുണ്ട്.
RELATED STORIES
കൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTയു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMT