വാളയാറിലെ പെണ്കുട്ടികളുടെ അമ്മയ്ക്ക് പിന്തുണ; എറണാകുളത്ത് കൂട്ടമായി തലമുണ്ഡനം ചെയ്ത് പ്രതിഷേധം
ഭാരതീയ പട്ടിക ജനസമാജം(ബിപിജെഎസ്) പ്രവര്ത്തകരുടെ നേതൃത്വത്തിലായിരുന്നു കലക്ട്രേറ്റ് കവാടത്തില് ഐക്യദാര്ഢ്യ സമരം സംഘടിപ്പിച്ചത്. പോലീസിനെതിരെ നടപടി ആവശ്യപ്പെട്ടുള്ള സമരം അടുത്ത ഘട്ടത്തിലേക്ക് കടക്കുന്നതിന്റെ ഭാഗമായി പെണ്കുട്ടികളുടെ അമ്മ നേരത്തെ തലമുണ്ഡനം ചെയ്തിതിരുന്നു
കൊച്ചി: വാളയാറില് ദുരൂഹ സാഹചര്യത്തില് മരിച്ച പെണ്കുട്ടികളുടെ അമ്മയ്ക്ക് പിന്തുണയുമായി കൂട്ടമായി തലമുണ്ഡനം ചെയ്ത് കലക്ട്രേറ്റ് പടിക്കല് പ്രതിഷേധം സമരം. സ്ത്രീകളും കുട്ടികളുമടക്കം നിരവധി പേരാണ് നീതി തേടി സമരം ചെയ്യുന്ന അമ്മയ്ക്ക് പിന്തുണയുമായി സമരവേദിയില് എത്തി തലമുണ്ഡം ചെയ്തത്. യുവതികളും കുട്ടികളും ശിരസ് നമിച്ച് തലമുണ്ഡനം ചെയ്യാന് തുടങ്ങിയതോടെ സമരവേദിയില് പലരും കരഞ്ഞു.ഭാരതീയ പട്ടിക ജനസമാജം(ബിപിജെഎസ്) പ്രവര്ത്തകരുടെ നേതൃത്വത്തിലായിരുന്നു കലക്ട്രേറ്റ് കവാടത്തില് ഐക്യദാര്ഢ്യ സമരം സംഘടിപ്പിച്ചത്.
പോലീസിനെതിരെ നടപടി ആവശ്യപ്പെട്ടുള്ള സമരം അടുത്ത ഘട്ടത്തിലേക്ക് കടക്കുന്നതിന്റെ ഭാഗമായി പെണ്കുട്ടികളുടെ അമ്മ നേരത്തെ തലമുണ്ഡനം ചെയ്തിതിരുന്നു. മക്കളുടെ മരണത്തില് നീതി തേടിയുള്ള സമര പോരാട്ടത്തിന് പിന്തുണയര്പ്പിച്ചവരില് ഏറെയും സ്ത്രീകളായിരുന്നു. അന്വേഷണത്തില് വീഴ്ചവരുത്തിയ എസ് ഐയെയും ഡിവൈഎസ്പിയെയും ശിക്ഷിക്കണമെന്നാണ് സമരക്കാരുടെ ആവശ്യം. പട്ടികജനസമാജം വനിതാ വിഭാഗം ജില്ലാസെക്രട്ടറി രജിത അനിമോന് തലമുണ്ഡനം ചെയ്ത് സമരം ഉദ്ഘാടനം ചെയ്തു.ബിപിജെഎസ് സംസ്ഥാന ജനറല് സെക്രട്ടറി സജീവ് പിണര്മുണ്ട, വാളയാര് സമരസമിതി കണ്വീനര് വി എം മാര്സണ്, ഫാ.അഗസ്ത്യന് വട്ടോളി പ്രസംഗിച്ചു.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT