വിദ്യാര്ഥിനിക്ക് മുന്നില് നഗ്നതാ പ്രദര്ശനം; യുവാവ് അറസ്റ്റില്
വടയാര് സ്വദേശി അനന്തു അനില്കുമാര് (25) ആണ് തലയോലപ്പറമ്പ് പോലിസിന്റെ പിടിയിലായത്. കഴിഞ്ഞ തിങ്കളാഴ്ചയാണ് യുവാവ് പ്രായപൂര്ത്തിയാവാത്ത വിദ്യാര്ത്ഥിനിയോട് മോശമായി പെരുമാറിയത്.
വൈക്കം: കോട്ടയം തലയോലപറമ്പില് പ്രായപൂര്ത്തിയാകാത്ത വിദ്യാര്ഥിനിക്ക് മുന്പില് നഗ്നതാ പ്രദര്ശനം നടത്തിയ യുവാവിനെ പോലിസ് അറസ്റ്റ് ചെയ്തു. വടയാര് സ്വദേശി അനന്തു അനില്കുമാര് (25) ആണ് തലയോലപ്പറമ്പ് പോലിസിന്റെ പിടിയിലായത്. കഴിഞ്ഞ തിങ്കളാഴ്ചയാണ് യുവാവ് പ്രായപൂര്ത്തിയാവാത്ത വിദ്യാര്ത്ഥിനിയോട് മോശമായി പെരുമാറിയത്.
സ്വാതന്ത്ര്യദിന പരേഡ് കഴിഞ്ഞ് വീട്ടിലേക്ക് മടങ്ങുകയായിരുന്നു വിദ്യാര്ത്ഥിനി. ബൈക്കിലെത്തിയ യുവാവ് പെണ്കുട്ടിക്ക് മുന്നിലെത്തി നടുറോഡില്വച്ച് നഗ്നതാ പ്രദര്ശനം നടത്തുകയായിരുന്നു.
ഭയന്ന പെണ്കുട്ടി തിരികെ സ്കൂളിലേക്ക് ഓടി. വിവരമറിഞ്ഞ് അധ്യാപകരില് ചിലര് സംഭവസ്ഥലത്തേക്ക് ഓടിയെത്തിയെങ്കിലും യുവാവ് ബൈക്കുമായി രക്ഷപ്പെട്ടിരുന്നു.
തുടര്ന്ന് സ്കൂള് അധികൃതര് തലയോലപ്പറമ്പ് പോലിസില് പരാതി നല്കുകയായിരുന്നു. പരാതിയുടെ അടിസ്ഥാനത്തില് പോലിസ് നടത്തിയ അന്വേഷണത്തിലാണ് സമീപത്തെ സിസിടിവി ദൃശ്യങ്ങളില്നിന്ന് അനന്തു അനില്കുമാറാണ് പ്രതിയെന്ന് തിരിച്ചറിഞ്ഞത്. പിന്നീട് പ്രതിയെ അറസ്റ്റ് ചെയ്യുകയായിരുന്നു. തലയോലപ്പറമ്പ് സിഐ കെ എസ് ജയന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. യുവാവിനെ സ്ഥലത്തെത്തിച്ച് പൊലീസ് തെളിവെടുത്തു. പോക്സോ കേസ് ചുമത്തി അറസ്റ്റ് ചെയ്ത യുവാവിനെ കോടതിയില് ഹാജരാക്കി റിമാന്ഡ് ചെയ്തു.
ഇതിനിടെ എന്എസ്എസ് ക്യാംപിനെത്തിയ വിദ്യാര്ഥിനികള് വസ്ത്രം മാറുന്നയിടത്ത് ഒളിഞ്ഞു നോക്കിയ അധ്യാപകന്റെ ഓഡിയോ സന്ദേശം പുറത്തുവന്നിരുന്നു. അധ്യാപകന് പരാതി ഒതുക്കിതീര്ക്കാന് ശ്രമിക്കുന്നതിന്റെ ശബ്ദ സന്ദേശമാണ് പുറത്തായത്. ഇടുക്കി കഞ്ഞിക്കുഴിയിലാണ് ആര്എസ്എസ് ജില്ലാ പ്രചാര് പ്രമുഖും ബിജെപി അനുകൂല അധ്യാപക സംഘടയുടെ ജില്ലാ ഭാരവാഹിയുമായ അധ്യാപകന് ഹരി ആര് വിശ്വനാഥന് വിദ്യാര്ത്ഥിനികളോട് അപമര്യാദയായി പെരുമാറിയത്.
RELATED STORIES
നീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTഇലക്ട്രിക് കാറിന് തീപിടിച്ചു; നാലംഗ മലയാളി കുടുംബത്തിന് കാലിഫോർണയിൽ...
26 April 2024 11:32 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTകണ്ണൂര്-ബെംഗളൂരു സര്വീസ് നിര്ത്തി എയര് ഇന്ത്യ
26 April 2024 11:13 AM GMT