ചരസുമായി യുവാവ് പിടിയില്‍

കൊച്ചി:ചരസുമായി എറണാകുളം കുമ്പളങ്ങിയില്‍ യുവാവ് പോലിസ് പിടിയില്‍.കുമ്പളങ്ങി കോയബസാറിനു സമീപമുള്ള തൗഫീഖ്(28)നെയാണ് 600 ഗ്രാം ചരസുമായി പള്ളുരുത്തി പോലിസ് പിടികൂടിയത്.ഇയാളുടെ വീട്ടില്‍ നടത്തിയ പരിശോധനയിലാണ് ചരസ് കണ്ടെത്തിയതെന്ന് പോലിസ് പറഞ്ഞു.കാര്‍ബണ്‍ പേപ്പറും പോളിത്തീന്‍ ഷീറ്റും സെല്ലോ ടേപ്പ് ഉപയോഗിച്ച് പൊതിഞ്ഞ് തുണി സഞ്ചിയില്‍ സൂക്ഷിച്ച നിലയിലാണ് ചരസ് കണ്ടെത്തിയതെന്നും പോലിസ് പറഞ്ഞു.