ജോളി ബാര് ' എന്ന പേരില് വീട് കേന്ദ്രീകരിച്ച് അനധികൃത മദ്യ വില്പ്പന ; ഒരാള് അറസ്റ്റില്
ആലിന് ചുവട് വെണ്ണല സ്വദേശി തച്ചേത്ത് വീട്ടില് ജോളി എന്ന് വിളിക്കുന്ന തോമസ് (51) എന്നയാളെയാണ് എറണാകുളം റേഞ്ച് എക്സൈസ് കസ്റ്റഡിയില് എടുത്തത്. ഇയാളുടെ പക്കല് നിന്ന് 35 ലിറ്റര് മദ്യം കണ്ടെടുത്തതായി എറണാകുളം റേഞ്ച് എക്സൈസ്
കൊച്ചി: വീടു കേന്ദ്രീകരിച്ച് മദ്യ വില്പ്പന്ന നടത്തിയാള് എക്സൈസിന്റെ പിടിയില്. ആലിന് ചുവട് വെണ്ണല സ്വദേശി തച്ചേത്ത് വീട്ടില് ജോളി എന്ന് വിളിക്കുന്ന തോമസ് (51) എന്നയാളെയാണ് എറണാകുളം റേഞ്ച് എക്സൈസ് കസ്റ്റഡിയില് എടുത്തത്. ഇയാളുടെ പക്കല് നിന്ന് 35 ലിറ്റര് മദ്യം കണ്ടെടുത്തു. ടൗണിലെ ബിവറേജ്സ് ഔട്ട് ലെറ്റുകളില് നിന്ന് പല തവണകളായി മദ്യം വാങ്ങി സൂക്ഷിച്ച് കൂടിയ വിലയ്ക്ക് ഇയാള് മറിച്ച് വില്പ്പന നടത്തിവരുകയായിരുന്നുവെന്ന് എക്സൈസ് സംഘം പറഞ്ഞു.
ഉപഭോക്താക്കള്ക്കിടയില് 'ജോളി ബാര് ' എന്ന പേരില് ആണ് ഇയാള് അറിയപ്പെട്ടിരുന്നത്. രഹസ്യവിവരം ലഭിച്ചതിന്റെ അടിസ്ഥാനത്തില് ആവശ്യക്കാര് എന്ന വ്യാജേന എക്സൈസ് ഷാഡോ സംഘം ഇയാളെ സമീപിച്ച് കൈയ്യോടെ പിടികൂടുകയായിരുന്നു. അസി.എക്സൈസ് ഇന്സ്പെക്ടര് കെ ആര് രാമപ്രസാദ്, കെ വി ബേബി, പ്രിവന്റീവ് ഓഫീസര്മാരായ കെ കെ രമേശന്, പി യു ഋഷികേശന്, സത്യനാരായണന്, സിറ്റി മെട്രോ ഷാഡോയിലെ എന് ഡി ടോമി, എന് ജി അജിത്ത് കുമാര്, വനിത സിവില് ഓഫീസര് സി ജി പ്രമിത എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT