രാഷ്ട്രപതിയുടെ പോലിസ് മെഡലുകള്‍; വിശിഷ്ട സേവനത്തിന് കേരളത്തില്‍ നിന്ന് 2 പേര്‍, സ്തുത്യര്‍ഹ സേവനത്തിന് 11 പേര്‍

ന്യൂഡല്‍ഹി: രാഷ്ട്രപതിയുടെ പോലിസ് മെഡലുകള്‍ പ്രഖ്യാപിച്ചു. കേരളത്തില്‍ നിന്ന് വിശിഷ്ട സേവനത്തിന് 2 പേര്‍ക്കും സ്തുത്യര്‍ഹ സേവനത്തിന് 11 പേര്‍ക്കുമാണ് മെഡല്‍ ലഭിച്ചിരിക്കുന്നത്. എക്‌സൈസ് കമ്മീഷണര്‍ മഹിപാല്‍ യാദവ്, എഡിജിപി ഗോപേഷ് അഗ്രവാള്‍ എന്നിവര്‍ക്കാണ് വിശിഷ്ട സേവനത്തിന് മെഡല്‍ നേടിയിരിക്കുന്നത്. ഐജി എ അക്ബര്‍, എസ്പിമാരായ ആര്‍ ഡി അജിത്, വി സുനില്‍കുമാര്‍, എസിപി ഷീന്‍ തറയില്‍, ഡിവൈഎസ് പി സികെ സുനില്‍കുമാര്‍, എഎസ് പി വി സുഗതന്‍, ഡിവൈഎസ് പി എന്‍ എസ് സലീഷ്, എ കെ രാധാകൃഷ്ണപിള്ള , എഎസ്‌ഐ ബി സുരേന്ദ്രന്‍, ഇന്‍സ്‌പെക്ടര്‍ പി ജ്യോതീന്ദ്രകുമാര്‍, എഎസ്‌ഐ കെ മിനി എന്നിവരാണ് 11 ഉദ്യോഗസ്ഥര്‍. അഗ്‌നിശമന സേന വിഭാഗത്തില്‍ നിന്ന് വിശിഷ്ട സേവനത്തിന് എഫ് വിജയകുമാറിനാണ് മെഡല്‍. അഗ്‌നിശമന സേന വിഭാഗത്തില്‍ സ്തുത്യര്‍ഹ സേവനത്തിന് കേരളത്തില്‍ നിന്ന് 4 മെഡലും ലഭിച്ചു. എന്‍ ജിജി, പി പ്രമോദ്, എസ് അനില്‍കുമാര്‍, അനില്‍ പി മണി എന്നിവര്‍ക്കാണ് മെഡല്‍.