കാസര്കോട് ദന്തഡോക്ടറുടെ മരണം; അഞ്ചുപേര് കസ്റ്റഡിയില്
കാസര്കോട്: കാസര്കോട് ബദിയടുക്കയില് ദന്തഡോക്ടറെ റെയില്വേ ട്രാക്കില് മരിച്ച നിലയില് കണ്ടെത്തിയ സംഭവത്തില് അഞ്ചുപേരെ കസ്റ്റഡിയിലെടുത്തു. ഇന്നലെയാണ് കുന്താപുരത്ത് റെയില്വേ ട്രാക്കില് ഡോ. കൃഷ്ണമൂര്ത്തിയെ (52) മരിച്ച നിലയില് കണ്ടെത്തിയത്. ക്ലിനിക്കില് എത്തിയ യുവതിയോട് അപമര്യാദയായി പെരുമാറിയെന്നാരോപിച്ച് ബദിയടുക്ക പോലിസ് കൃഷ്ണമൂര്ത്തിക്കെതിരേ കേസെടുത്തിരുന്നു. പിന്നാലെ യുവതിയുടെ ബന്ധുക്കളായ അഞ്ചുപേര് ക്ലിനിക്കിലെത്തി ഡോക്ടറെ ഭീഷണിപ്പെടുത്തുകയായിരുന്നു.
കഴിഞ്ഞ ചൊവ്വാഴ്ച മുതലാണ് ഡോക്ടറെ കാണാതായത്. ബൈക്കുമെടുത്ത് ഡോക്ടര് ക്ലിനിക്കില് നിന്നും പോവുകയായിരുന്നു. പിന്നീട് ബൈക്ക് നഗരത്തില് നിന്നും കണ്ടെത്തി. തുടര്ന്ന് ക്ലിനിക്കില് നിന്ന് ഇദ്ദേഹത്തെ കാണാതായെന്ന് കാണിച്ച് ഭാര്യ നല്കിയ പരാതിയെ തുടര്ന്ന് ബദിയടുക്ക പോലിസ് നടത്തിയ അന്വേഷണത്തിനൊടുവില് കുന്താപുരത്ത് റെയില്വേ ട്രാക്കില് നിന്ന് മൃതദേഹം കണ്ടെടുക്കുകയായിരുന്നു. ഡോക്ടറെ ഭീഷണിപ്പെടുത്തിയതിനാണ് ഇപ്പോള് അഞ്ചുപേരെ പോലിസ് കസ്റ്റഡിയിലെടുത്തത്. സംഭവത്തില് വിശദമായ അന്വേഷണം നടക്കുകയാണ്. ഇവര്ക്കെതിരേ ആത്മഹത്യാ പ്രേരണാക്കുറ്റം ചുമത്തി കേസെടുക്കുമെന്ന് പോലിസ് അറിയിച്ചു.
RELATED STORIES
വീടിന്റെ മൂന്നാംനിലയില് നിന്നു വീണ് വിദ്യാര്ഥിനി മരിച്ചു
18 April 2024 1:25 AM GMTകല്പ്പറ്റയില് സ്കൂട്ടര് താഴ്ചയിലേക്ക് മറിഞ്ഞ് മെഡിക്കല്...
18 April 2024 1:15 AM GMTലബനാനില് ഇസ്രായേല് വ്യോമാക്രമണം; ഹിസ്ബുല്ല ആക്രമണത്തിന് മറുപടിയെന്ന്
17 April 2024 6:22 PM GMTതെലങ്കാനയില് ക്രിസ്ത്യന് സ്കൂളിനു നേരെ ഹിന്ദുത്വരുടെ ആക്രമണം; 'ജയ്...
17 April 2024 1:59 PM GMTകനത്ത മഴ; തിരുവനന്തപുരത്ത് നിന്നും യുഎഇയിലേക്കുളള നാല് വിമാനങ്ങള്...
17 April 2024 12:46 PM GMTബിജെപി എംപി കരാഡി സങ്കണ്ണ അമരപ്പ കോൺഗ്രസിൽ ചേർന്നു
17 April 2024 12:45 PM GMT