ഡൽഹിയിൽ ക്ലൗഡ് സീഡിങ്ങ് നടത്താൻ കഴിയില്ല, ഐഐടി റിപോർട്ട്

ന്യൂഡൽഹി: ഡൽഹിയിലെ നിലവിലെ അന്തരീക്ഷം ക്ലൗഡ് സീഡിങ്ങിന് അനുയോജ്യമല്ലെന്ന് ഐഐടി ഡൽഹി റിപോർട്ട് . ഡൽഹിയുടെ മലിനീകരണം നിയന്ത്രിക്കാൻ ക്ലൗഡ് സീഡിങ്ങ് പ്രധാന മാർഗ്ഗമായി സ്വീകരിക്കാൻ കഴിയില്ലെന്നും റിപോർട്ട് പറയുന്നു. കൃത്രിമ മഴ പെയ്യിക്കാനുള്ള രണ്ട് ശ്രമങ്ങൾ പരാജയപ്പെട്ടതിന് പിന്നാലെയാണ് ഈ കണ്ടെത്തൽ.

നിലവിൽ ഡൽഹിയിൽ ശൈത്യകാല അന്തരീക്ഷമാണുള്ളത്. ഈ സമയത്ത് ക്ലൗഡ് സീഡിങ്ങ് നടത്തുന്നത് പ്രയോജനം ചെയ്യില്ലെന്ന് വിദഗ്ധർ പറയുന്നു. ആവശ്യമായ ഈർപ്പം ഉണ്ടെങ്കിലേ കൃത്രിമ മഴ പെയ്യിക്കാനാവൂ. ഡൽഹിയിലെ മലിനീകരണതോത് അതിതീവ്ര അളവിലായതിനാൽ തന്നെ ക്ലൗഡ് സി ഡിങ് കൊണ്ട് താൽക്കാലിക ആശ്വാസം മാത്രമേ കിട്ടൂ. സ്ഥിതി തുടർന്നും മോശം അവസ്ഥയിൽ തന്നെ ആകുമെന്ന് റിപോർട്ട് പറയുന്നു.

നിലവിൽ വലിയ ചെലവുവരുന്ന ഒന്നാണ് ക്ലൗഡ് സീഡിങ് . അതിനാൽ തന്നെ അത്തരമൊരു പരിപാടി നടപ്പിലാക്കുമ്പോൾ അതിന് എത്രമാത്രം വിജയസാധ്യത ഉണ്ട് എന്നു കൂടി പരിഗണിക്കേണ്ടതുണ്ട് എന്നാണ് വിദഗ്ധാഭിപ്രായം.