വാഹനാപകടത്തില്‍ പരിക്കേറ്റ വിദ്യാര്‍ഥി മരിച്ചു

പുത്തനത്താണി: വാഹനാപകടത്തില്‍ പരിക്കേറ്റ് ചികില്‍സയിലായിരുന്ന വിദ്യാര്‍ഥി മരിച്ചു. കല്‍പകഞ്ചേരി നെച്ചികുണ്ടിലെ കോതംകളത്തില്‍ അബ്ദുസ്സലാമിന്റെ മകനും കടുങ്ങാത്തുകുണ്ട് സ്വകാര്യകോളജിലെ പ്ലസ്ടു വിദ്യാര്‍ഥിയുമായ അജ്മല്‍ (17) ആണ് മരണപ്പെട്ടത്.

കഴിഞ്ഞ 24ന് വളാഞ്ചേരി മീമ്പാറയില്‍വച്ച് ബൈക്കുകള്‍ കൂട്ടിയിടിച്ച് ഗുരുതരമായി പരിക്കേറ്റ അജ്മല്‍ കോയ്ക്കല്‍ സ്വകാര്യാശുപത്രിയില്‍ ചികില്‍സയിലിരിക്കെയാണ് മരണപ്പെട്ടത്. കല്‍പകഞ്ചേരി പഞ്ചായത്ത് 13ാം വാര്‍ഡ് എംഎസ്എഫ് വൈസ് പ്രസിഡന്റായിരുന്നു. മാതാവ് റംല.