പ്രഫ.എം മുഹമ്മദ് അന്തരിച്ചു

കോഴിക്കോട്: മണ്ണാര്‍ക്കാട് എംഇഎസ് കോളജ് പ്രിന്‍സിപ്പലായിരുന്ന പ്രഫ.എം മുഹമ്മദ് (75) അന്തരിച്ചു. മണ്ണാര്‍ക്കാട് എംഇഎസ് കോളജില്‍ ദീര്‍ഘകാലം കൊമേഴ്‌സ് അധ്യാപകനായി സേവനമനുഷ്ഠിച്ചിരുന്നു. കൊടുങ്ങല്ലൂര്‍ എംഇഎസ് കോളജ് പ്രിന്‍സിപ്പലായും ജോലിചെയ്തിരുന്നു. കോഴിക്കോട് മൂടാടി സ്വദേശിയാണ്.

മത, സാമൂഹിക രംഗങ്ങളില്‍ നിറസാന്നിധ്യമായിരുന്നു. വ്യാപര പ്രമുഖന്‍ പി കെ അഹ്മദിന്റെ സഹോദരി പരേതയായ പി കെ സുഹ്‌റയാണു ഭാര്യ. മക്കള്‍: പി കെ ഷുഹൈബ് (നെസ്റ്റ്), അബൂബക്കര്‍ സിദ്ദീഖ്, സഗീര്‍, ഡോ.നൗഫല്‍.