ആശുപത്രി അങ്കണത്തില് വൃദ്ധസ്ത്രീക്ക് ക്രൂരമര്ദ്ദനം; സുരക്ഷാ ഉദ്യോഗസ്ഥന് അറസ്റ്റില്
ലഖ്നൗവില് നിന്ന് 200 കിലോമീറ്റര് അകലെയുള്ള പ്രയാഗ് രാജിലെ സ്വരൂപ് റാണി നെഹ്റു ആശുപത്രിയിലെ സുരക്ഷാ ഉദ്യോഗസ്ഥനായ സഞ്ജയ് മിശ്രയാണ് അറസ്റ്റിലായത്.
ലക്നോ: ഭവനരഹിതയായ വൃദ്ധയെ ആശുപത്രി അങ്കണത്തില് വച്ച് ക്രൂരമായി മര്ദ്ദിച്ച സംഭവത്തില് ആശുപത്രി സുരക്ഷാ ഉദ്യോഗസ്ഥന് അറസ്റ്റില്. വൃദ്ധയെ ക്രൂരമായി മര്ദ്ദിക്കുന്ന വീഡിയോ ദൃശ്യങ്ങള് സാമൂഹിക മാധ്യമങ്ങളില് വൈറലാവുകയും കടുത്ത ജനരോഷമുയരുകയും ചെയ്തതിനുപിന്നാലെയാണ് ഇയാളെ പോലിസ് അറസ്റ്റ് ചെയ്തത്.
ലഖ്നൗവില് നിന്ന് 200 കിലോമീറ്റര് അകലെയുള്ള പ്രയാഗ് രാജിലെ സ്വരൂപ് റാണി നെഹ്റു ആശുപത്രിയിലെ സുരക്ഷാ ഉദ്യോഗസ്ഥനായ സഞ്ജയ് മിശ്രയാണ് അറസ്റ്റിലായത്. കഴിഞ്ഞ വ്യാഴാഴ്ചയാണ് കേസിനാസ്പദമായ സംഭവം.
ആശുപത്രിയുടെ ട്രോമാ സെന്ററിന് പുറത്ത് അഭയം തേടിയ 80കാരിയായ വൃദ്ധയെ സുരക്ഷാ ഉദ്യോഗസ്ഥനായ സഞ്ജയ് മിശ്ര ക്രൂരമായി മര്ദ്ദിക്കുകയായിരുന്നു. അടിയേറ്റ് തറയില്വീണ വൃദ്ധ വേദനകൊണ്ട് പുളയുന്നതും പാറാവുകാരന് ഇവരെ തുടര്ച്ചയായി തൊഴിക്കുന്നതും മര്ദ്ദിക്കുന്നതുമായ വീഡിയോ ദൃശ്യങ്ങള് പുറത്തുവന്നിരുന്നു.
ഈ ദൃശ്യങ്ങള് സാമൂഹിക മാധ്യമങ്ങളില് വൈറലാവുകയും ജനരോഷമുയരുകയും ചെയ്തതോടെ ചികില്സയ്ക്കായി വൃദ്ധയെ ഇതേ ആശുപത്രിയില് തന്നെ പ്രവേശിപ്പിക്കുകയും സുരക്ഷാ ഉദ്യോഗസ്ഥനെതിരേ എഫ്ഐആര് രജിസ്റ്റര് ചെയ്യുകയുമായിരുന്നു. സുരക്ഷാ ഉദ്യോഗസ്ഥനെ നിയമിക്കുകയും ആശുപത്രിയില് വിന്യസിക്കുകയും ചെയ്ത സ്വകാര്യ ഏജന്സിയെ ആശുപത്രി കരിമ്പട്ടികയില് പെടുത്തിയിട്ടുണ്ട്.
RELATED STORIES
10 അനാക്കോണ്ട പാമ്പുകളുമായി ബംഗളൂരു കെംപഗൗഡ വിമാനത്താവളത്തില് യുവാവ്...
23 April 2024 7:18 AM GMTപരിശീലനപ്പറക്കലിനിടെ മലേഷ്യന് നാവികസേനയുടെ ഹെലികോപ്റ്ററുകള്...
23 April 2024 7:07 AM GMTമോദിയുടെ വിദ്വേഷപ്രസംഗം വൃന്ദാ കാരാട്ടിന്റെ അഭിഭാഷകന് ഇന്ന് സുപ്രീം...
23 April 2024 6:58 AM GMTരാജീവ് ചന്ദ്രശേഖറിന്റെ നാമനിര്ദേശ പത്രിക തള്ളണമെന്ന ഹരജി തള്ളി...
23 April 2024 6:47 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMT