യൂനിവേഴ്സിറ്റി കോളജിലെ എസ്എഫ്ഐ ആക്രമണം: മന്ത്രി റിപോര്ട്ട് തേടി; അഖിലിന് അടിയന്തിര ശസത്രക്രിയ
എന്താണ് സംഘര്ഷത്തിന് വഴിവച്ചതെന്ന കാര്യം പരിശോധിച്ച് റിപ്പോര്ട്ട് നല്കാനാണ് നിര്ദേശം.
തിരുവനന്തപുരം: യൂണിവേഴ്സിറ്റി കോളജിലുണ്ടായ സംഘര്ഷത്തില് ഉന്നത വിദ്യാഭ്യാസമന്ത്രി ഡോ. കെ ടി ജലീല്, കോളജ് വിദ്യാഭ്യാസ ഡയറക്ടറോട് റിപോര്ട്ട് തേടി. എന്താണ് സംഘര്ഷത്തിന് വഴിവച്ചതെന്ന കാര്യം പരിശോധിച്ച് റിപ്പോര്ട്ട് നല്കാനാണ് നിര്ദേശം. സംഘര്ഷത്തെക്കുറിച്ച് പരിശോധിച്ച് വരികയാണെന്നാണ് കോളജ് പ്രിന്സിപ്പലിന്റെ പ്രതികരണം. ഇതിനിടെ, നെഞ്ചിന് കുത്തേറ്റ അഖിലിനെ ഉടന് ശസ്ത്രക്രിയക്ക് വിധേയനാക്കണമെന്ന് ഇയാളെ പ്രവേശിപ്പിച്ച തിരുവനന്തപുരം ജനറല് ആശുപത്രി അധികൃതര് അറിയിച്ചു. അഖിലിന് ആന്തരിക രക്തസ്രാവമുള്ളതിനാല് ഉടന് ശസ്ത്രക്രിയ വേണമെന്നാണ് അധികൃതര് അറിയിച്ചിട്ടുള്ളത്.
ഇതിനിടെ, ആക്രമണത്തില് കോളജിന് പുറത്തു നിന്നുള്ളവരുള്പ്പടെ പങ്കെടുത്തെന്നും, ഇവരെ കണ്ടെത്തി നടപടിയെടുക്കണമെന്നും ആവശ്യപ്പെട്ട് വിദ്യാര്ത്ഥികള് പ്രിന്സിപ്പാളിന് പരാതി നല്കി. 300 പേര് ഒപ്പിട്ട ഭീമന് പരാതിയാണ് നല്കിയിരിക്കുന്നത്. ക്യാംപസിലിരുന്ന് ഒരു സംഘം വിദ്യാര്ത്ഥികള് പാട്ടു പാടിയതോടെയാണ് സംഘര്ഷമുണ്ടായത്. അറബിക് വകുപ്പിലെ ഉമൈര് എന്ന വിദ്യാര്ഥിയെയാണ് ആദ്യം മര്ദ്ദിച്ചത്.
എസ്എഫ്ഐ യൂനിറ്റ് ഭാരവാഹികളടക്കം സംഘടിച്ചെത്തിയായിരുന്നു ആക്രമണം.ഇത് ചോദ്യം ചെയ്തതോടെ സംഘം എസ്എഫ്ഐ പ്രവര്ത്തകന് തന്നെയായ അഖിലിനു നേരെ തിരിയുകയായിരുന്നു. തുടര്ന്ന് കോളജിലെ യൂണിറ്റ് കമ്മിറ്റി ഓഫിസിലേക്ക് കൊണ്ടു പോയി. വഴിനീളെ വളഞ്ഞിട്ട് തല്ലിയായിരുന്നു കൊണ്ട് പോയത്. തുടര്ന്നാണ് കത്തി കൊണ്ട് നെഞ്ചില് കുത്തിയതെന്നും പ്രിന്സിപ്പലിന് നല്കിയ പരാതിയില് വിദ്യാര്ത്ഥികള് ആരോപിക്കുന്നു.
അഖിലിനെ ആശുപത്രിയില് കൊണ്ടുപോകാനുള്ള ശ്രമം എസ്എഫ്ഐക്കാര് തടഞ്ഞെന്നും ഗേറ്റ് പൂട്ടിയിട്ടെന്നും വിദ്യാര്ത്ഥികള് ആരോപിക്കുന്നു. സംഭവത്തില് എസ്എഫ്ഐക്കെതിരേ വിദ്യാര്ഥികള്ക്കിടയില് പ്രതിഷേധം കനയ്ക്കുകയാണ്.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT