ആധാര് ദുരുപയോഗം ചെയ്താല് ഒരുകോടിവരെ പിഴ; വിജ്ഞാപനമിറക്കി കേന്ദ്രസര്ക്കാര്
ആധാര് വിവരങ്ങള് ഹാക്ക് ചെയ്യുകയോ മറ്റൊരാളുടെ ബയോമെട്രിക് വിവരങ്ങള് ചോര്ത്തുകയോ ചെയ്താല് മൂന്നുവര്ഷം തടവും 10,000 രൂപ പിഴയും ഈടാക്കും. പിഴ അടയ്ക്കാത്തവരുടെ സ്വത്തു കണ്ടുകെട്ടാനും അതോറിറ്റിക്ക് അധികാരമുണ്ടാവും.

ന്യൂഡല്ഹി: ആധാര് ദുരുപയോഗം ചെയ്താല് ഒരുകോടി രൂപവരെ പിഴ ഈടാക്കാന് ആധാര് അതോറിറ്റിക്ക് (യുണീക് ഐഡന്റിഫിക്കേഷന് അതോറിറ്റി ഓഫ് ഇന്ത്യ) അധികാരം നല്കി കേന്ദ്രസര്ക്കാര് വിജ്ഞാപനം.
ആധാര് വിവരങ്ങള് ഹാക്ക് ചെയ്യുകയോ മറ്റൊരാളുടെ ബയോമെട്രിക് വിവരങ്ങള് ചോര്ത്തുകയോ ചെയ്താല് മൂന്നുവര്ഷം തടവും 10,000 രൂപ പിഴയും ഈടാക്കും. പിഴ അടയ്ക്കാത്തവരുടെ സ്വത്തു കണ്ടുകെട്ടാനും അതോറിറ്റിക്ക് അധികാരമുണ്ടാവും.
ആധാര് നിയമലംഘനങ്ങളില് നടപടിയെടുക്കാനും പരാതി പരിഹാരത്തിനും കേന്ദ്ര സര്ക്കാരിലെ ജോയന്റ് സെക്രട്ടറി തസ്തികയിലുള്ള ഉദ്യോഗസ്ഥനെയും അതോറിറ്റിക്ക് നിയമിക്കാം. 2019ല് പാര്ലമെന്റ് പാസാക്കിയ ആധാര് നിയമത്തിന് അനുസൃതമായാണ് ഐടി മന്ത്രാലയം ചട്ടങ്ങള് വിജ്ഞാപനം ചെയ്തത്.
പരാതിപരിഹാര ഉദ്യോഗസ്ഥന് 10 വര്ഷത്തെ സര്വീസ് വേണം. നിയമം, മാനേജ്മെന്റ്, ഐടി, വാണിജ്യം എന്നീ വിഷയങ്ങളിലൊന്നില് മൂന്നുവര്ഷത്തെ വിദഗ്ധപരിചയം ഉണ്ടാവണം. ഇവര്ക്കുമുന്നില് ആര്ക്കെങ്കിലും എതിരേ പരാതി എത്തിയാല് ഓഫിസര്ക്ക് വിളിച്ചുവരുത്താനും പിഴ ചുമത്താനുമുള്ള അധികാരമുണ്ട്. ഒരുകോടി രൂപ വരെ പിഴചുമത്താം. മുന്നോടിയായി കാരണംകാണിക്കല് നോട്ടിസ് നല്കണം. വിശദീകരിക്കാനും എതിര്ക്കാനുമുള്ള അവസരവും അനുവദിക്കണം. ആരോപണവിധേയര്ക്ക് നിയമനടപടിക്കെതിരേ അപ്പലേറ്റ് ട്രിബ്യൂണലിനെ സമീപിക്കാം.
ഏറക്കുറെ എല്ലാ സര്ക്കാര് ആവശ്യങ്ങള്ക്കും ആധാര് നിര്ബന്ധമായതിന്റെ തുടര്ച്ചയായി ദുരുപയോഗവും വര്ധിച്ചതായാണ് സര്ക്കാരിന്റെ വിലയിരുത്തല്. ഇതോടെയാണ് ചട്ടങ്ങള് കര്ശനമാക്കി വിജ്ഞാപനം പുറപ്പെടുവിച്ചത്.
RELATED STORIES
മലേഷ്യാ ഓപ്പണ് ബാഡ്മിന്റണ്; സെയ്നാ നെഹ്വാള് പുറത്ത്
29 Jun 2022 4:25 AM GMTഇന്ത്യന് ഏസ് ഡ്രൈവര് ജഹന് ദാരുവാലയ്ക്ക് മക്ലാരന് ടെസ്റ്റ് ഡ്രൈവിന് ...
20 Jun 2022 11:14 AM GMTഎഫ്ഐഎച്ച് പ്രോ ലീഗ്; അര്ജന്റീനയ്ക്കെതിരേ ഇന്ത്യയ്ക്ക് തകര്പ്പന്...
18 Jun 2022 4:30 PM GMTപ്രൊ ലീഗ് ഹോക്കി; ഒളിംപിക് ചാംപ്യന്മാരെ ഇന്ത്യ മറികടന്നു
11 Jun 2022 6:30 PM GMTഏഷ്യാ കപ്പ് ഹോക്കി;ഇന്ത്യയ്ക്ക് സമനില; ഫൈനല് കാണാതെ പുറത്ത്
31 May 2022 6:00 PM GMTഏഷ്യാ കപ്പ്; ഇന്ത്യ സൂപ്പര് ഫോറില്; പാകിസ്താന് ലോകകപ്പ് യോഗ്യതയില്ല
26 May 2022 6:34 PM GMT