ദമ്മാമില് കാര് ഈന്തപ്പന മരത്തിലേക്ക് ഇടിച്ചുകയറി രണ്ട് ഇന്ത്യന് വിദ്യാര്ഥികള് മരിച്ചു
ദമ്മാം: സൗദി അറേബ്യയിലെ ദമ്മാമില് കാര് നിയന്ത്രണം വിട്ട് റോഡരികലെ ഈന്തപ്പന മരത്തിലേക്ക് ഇടിച്ചുകയറി രണ്ട് ഇന്ത്യന് വിദ്യാര്ഥികള് മരിച്ചു. ദമ്മാം ഇന്റര്നാഷനല് ഇന്ത്യന് സ്കൂള് വിദ്യാര്ഥികളും ഹൈദരാബാദ് സ്വദേശികളുമായ ഒമ്പതാം ക്ലാസ് വിദ്യാര്ഥി ഇബ്രാഹീം അസ്ഹര് (16), 11ാം ക്ലാസ് വിദ്യാര്ഥി ഹസന് റിയാസ് (18) എന്നിവരാണ് മരിച്ചത്. കൂടെയുണ്ടായിരുന്ന അമ്മാറി(13)നെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. ദമ്മാം ഗവര്ണര് ഹൗസിന് സമീപത്തെ റോഡില് ചൊവ്വാഴ്ച വൈകീട്ടാണ് ദാരുണമായ അപകടം നടന്നത്. ഒരേ കെട്ടിടത്തിലെ താമസക്കാരും സുഹൃത്തുക്കളുമായ മൂവരും അമ്മാറിന്റെ പിതാവിന്റെ കാറിലാണ് പുറത്തേക്ക് പോയത്. ഹസന് റിയാസാണ് കാര് ഓടിച്ചിരുന്നത്. അതിവേഗത്തിലായിരുന്ന കാര് നിയന്ത്രണം വിട്ട് റോഡരികിലുള്ള ഈന്തപ്പനയിലേയ്ക്ക് ഇടിച്ചു കയറുകയായിരുന്നു. പൂര്ണമായും തകര്ന്ന കാര് വെട്ടിപ്പൊളിച്ചാണ് മൂവരെയും പുറത്തെടുത്തത്. ഹൈദരാബാദിലെ മൂഹമ്മദ് യൂസുഫ് റിയാസ്-റിസ് വാന ബീഗം ദമ്പതികളുടെ മകനാണ് മരിച്ച ഹസന് റിയാസ്. ഹൈദരാബാദ് ബഹാദുര്പുര സ്വദേശി മുഹമ്മദ് അസ്ഹര്-സഹീദ ബീഗം ദമ്പതികളുടെ മകനാണ് ഇബ്രാഹിം അസ്ഹര്. ഇരുവരുടെയും മൃതദേഹങ്ങള് ദമ്മാം മെഡിക്കല് കോംപ്ലക്സ് മോര്ച്ചറിയില് സൂക്ഷിച്ചിരിക്കുകയാണ്. അപകട മരണത്തെ തുടര്ന്ന് ദമ്മാം ഇന്റര്നാഷനല് ഇന്ത്യന് സ്കൂളിന് ഇന്ന് അവധി നല്കിയിരിക്കുകയാണ്.
RELATED STORIES
എല്ഡിഎഫ് പരസ്യം; സുപ്രഭാതത്തിനും ദീപികയ്ക്കും തിരഞ്ഞെടുപ്പ്...
29 April 2024 3:49 PM GMTഇ പിക്കുള്ള സംരക്ഷണം സിപിഎമ്മിലെ ബിജെപി സ്വാധീനത്തിനു തെളിവെന്ന് കെ...
29 April 2024 3:25 PM GMTവിദ്വേഷപ്രസംഗത്തില് മോദിക്കെതിരേ കേസെടുക്കണം;എസ് ഡിപി ഐ പ്രതിഷേധ...
29 April 2024 3:07 PM GMTഉഷ്ണതരംഗ സാധ്യത; സര്ക്കാര്-സ്വകാര്യ ഐടിഐകള്ക്ക് മെയ് നാലുവരെ അവധി
29 April 2024 2:57 PM GMTഅമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഇസ്രായേൽ വിരുദ്ധ പ്രതിഷേധം: യു.എസ് കാമ്പസുകളിൽ അറസ്റ്റിലായത് 900 പേർ
29 April 2024 12:49 PM GMT