കെ എസ് ഷാന്റെ കൊലപാതകം: പ്രതികള്‍ ഒളിവില്‍ കഴിഞ്ഞത് തൃശൂരില്‍; ആര്‍എസ്എസ് ബൗദ്ധിക് പ്രമുഖ് ഉള്‍പ്പെടെ രണ്ട് പേര്‍ അറസ്റ്റില്‍

തൃശൂര്‍: എസ്ഡിപിഐ സംസ്ഥാന സെക്രട്ടറി ആലപ്പുഴ സ്വദേശി കെ എസ് ഷാനെ കൊലപ്പെടുത്തിയ കേസില്‍ പ്രതികളെ ഒളിവില്‍ കഴിഞ്ഞത് തൃശൂരില്‍. കൊലക്കേസ് പ്രതികളെ ഒളിവില്‍ കഴിയാന്‍ സഹായിച്ച സംഭവത്തില്‍ വരന്തരപ്പിള്ളി കള്ളായി സ്വദേശികള്‍ അറസ്റ്റില്‍. ആര്‍എസ്എസ് ബൗദ്ധിക് പ്രമുഖ ഉള്‍പ്പടേയുള്ളവരാണ് അറസ്റ്റിലായത്.

ചാലക്കുടി താലൂക്ക് ആര്‍എസ്എസ് ബൗദ്ധിക് പ്രമുഖ് കള്ളായി കല്ലംകുന്നേല്‍ വീട്ടില്‍ കെ ടി സുരേഷ്(49), മംഗലത്ത് വീട്ടില്‍ ഉമേഷ് (27) എന്നിവരാണ് അറസ്റ്റിലായത്. സുരേഷിന്റെ കള്ളായിയിലെ ബന്ധു വീട്ടിലാണ് കേസിലെ മൂന്ന് പ്രതികള്‍ക്ക് ഒളിവില്‍ കഴിയാന്‍ സൗകര്യമൊരുക്കിയിരുന്നത്. അറസ്റ്റിലായ ഉമേഷും ആര്‍എസ്എസ് പ്രവര്‍ത്തകനാണെന്ന് അന്വേഷണ സംഘം പറഞ്ഞു. പ്രതികളെ ആലപ്പുഴയിലെ ഷാന്‍ വധക്കേസ് അന്വേഷണ സംഘത്തിന് കൈമാറി.