ബംഗാള് ഉള്ക്കടലില് പുതിയ ന്യൂനമര്ദം, അറബിക്കടലില് ചക്രവാതച്ചുഴി; കേരളത്തില് അതിതീവ്ര മഴ വരുന്നു
തിരുവനന്തപുരം: വടക്ക് പടിഞ്ഞാറന് ബംഗാള് ഉള്ക്കടലില് ഒഡീഷ- പശ്ചിമ ബംഗാള് തീരത്തിനു മുകളിലായി പുതിയ ന്യൂനമര്ദം രൂപപ്പെട്ടു. ഇത് ഒഡിഷ- വടക്കന് ആന്ധ്രാപ്രദേശ് തീരത്തിന് സമീപം ശക്തികൂടിയ ന്യൂനമര്ദ്ദമായി മാറിയിരിക്കുകയാണ്. തീവ്ര ന്യൂനമര്ദ്ദമാവാനാണ് സാധ്യത. ഈ സാഹചര്യത്തില് അടുത്ത 24 മണിക്കൂറിനുള്ളില് സംസ്ഥാനത്ത് മഴ ശക്തിപ്പെടാന് സാധ്യതയെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. അടുത്ത 48 മണിക്കൂറിനുള്ളില് പടിഞ്ഞാറ്- വടക്കുപടിഞ്ഞാറ് ദിശയില് ഒഡീഷ- ഛത്തിസ്ഗര് മേഖലയിലുടെ സഞ്ചരിച്ച് വീണ്ടും ശക്തിപ്രാപിച്ച് തീവ്രന്യൂനമര്ദ്ദമാവാനും സാധ്യതയുണ്ട്.
തെക്കന് മഹാരാഷ്ട്ര തീരം മുതല് വടക്കന് കേരള തീരം വരെ ന്യൂനമര്ദപാത്തിയാണ് രൂപപ്പെട്ടിരിക്കുന്നത്. ഇത് ശക്തമായ മഴയ്ക്ക് കാരണമാവും. മധ്യ കിഴക്കന് അറബിക്കടലില് ചക്രവാതച്ചുഴിയും നിലനില്ക്കുകയാണ്. ഇതിന്റെ സ്വാധീനത്താല് കേരളത്തില് ആഗസ്ത് 7 മുതല് 11 വരെ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിക്കുന്നത്. എട്ട് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. കേരളത്തില് ബുധനാഴ്ച വരെ ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. മലയോര മേഖലയിലുള്ളവരും ജാഗ്രത പാലിക്കണം. ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് ബുധനാഴ്ച വരെ കേരള തീരത്തുനിന്ന് കടലില് പോവരുതെന്നും നിര്ദേശമുണ്ട്.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT