കാണാതായ സിഐ നവാസിനെ തമിഴ്നാട്ടില് നിന്നും കണ്ടെത്തി
തമിഴ്നാട് റെയില്വേ പോലിസാണ് സെന്ട്രല് സിഐ നവാസിനെ കണ്ടെത്തിയത്. നവാസ് വീട്ടുകാരുമായി ഫോണില് സംസാരിച്ചു. കൊച്ചി പോലിസ് കരൂരിലേക്ക് തിരിച്ചു.
കൊച്ചി: കൊച്ചിയില് നിന്ന് കാണാതായ സര്ക്കിള് ഇന്സ്പെക്ടര് നവാസിനെ കണ്ടെത്തി. തമിഴ്നാട്ടിലെ കരൂരില് നിന്നാണ് നവാസിനെ കണ്ടെത്തിയതെന്നാണ് വിവരം. നവാസ് വീട്ടുകാരുമായി ഫോണില് സംസാരിച്ചു. കൊച്ചി പോലിസ് കരൂരിലേക്ക് തിരിച്ചു. തമിഴ്നാട് റെയില്വേ പോലിസാണ് സെന്ട്രല് സിഐ നവാസിനെ കണ്ടെത്തിയത്.
മേലുദ്യോഗസ്ഥനുമായുളള വാക്കുതര്ക്കത്തെ തുടര്ന്ന് മൂന്ന് ദിവസം മുന്പാണ് നവാസിനെ കാണാതായത്. നവാസിനെ കാണാനില്ലെന്ന് കാണിച്ച് കേരള പോലിസിന്റെ ഔദ്യോഗിക ഫേസ്ബുക്ക് പേജില് ഉള്പ്പടെ അറിയിപ്പ് നല്കിയിരുന്നു. മേലുദ്യോഗസ്ഥരുടെ പീഡനത്തെത്തുടര്ന്നാണ് സിഐ നവാസ് നാട് വിട്ടതെന്നാരോപിച്ച് അദ്ദേഹത്തിന്റെ ഭാര്യയും മുഖ്യമന്ത്രിക്ക് പരാതി നല്കിയിരുന്നു.
വ്യാഴാഴ്ച പുലര്ച്ചെ മുതല് നവാസിനെ കാണാനില്ലെന്നാണ് ഭാര്യയുടെ പരാതിയില് പറയുന്നത്. സെന്ട്രല് സ്റ്റേഷന് സര്ക്കിള് ഇന്സ്പെക്ടറുടെ ഔദ്യോഗിക ചുമതലകള് 13ാം തീയതി ഈ ഉദ്യോഗസ്ഥന് ഒഴിഞ്ഞതായി വിവരമുണ്ട്. 13ാം തീയതി ഒരു മേലുദ്യോഗസ്ഥനുമായി നവാസ് വാക്കേറ്റത്തില് ഏര്പ്പെടുകയും തുടര്ന്ന് സ്റ്റേഷനില് തിരിച്ചെത്തിയ ശേഷം തന്റെ ഔദ്യോഗിക ഫോണ് നമ്പറിന്റെ സിം കീഴുദ്യോഗസ്ഥന് കൈമാറുയുകയും ചെയ്തുവെന്ന് പോലീസ് വൃത്തങ്ങള് അറിയിച്ചിരുന്നു. നവാസിനെ കണ്ടെത്താന് കൊച്ചിയില് നിന്നുളള നാല് പോലിസ് സംഘങ്ങളാണ് വിവിധ ഭാഗങ്ങളിലായി അന്വേഷണം നടത്തിയിരുന്നത്. മുഖ്യമന്ത്രിയുടെ നിര്ദ്ദേശത്തെ തുടര്ന്ന് എഡിജിപി ഷെയ്ക്ക് ദര്വേഷ് സാഹിബ്, കൊച്ചി സിറ്റി പോലീസ് കമ്മീഷണര് വിജയ് സാഖറെ എന്നിവരുടെ മേല്നോട്ടത്തിലായിരുന്നു അന്വേഷണം. കൊച്ചി സിറ്റി ഡെപ്യൂട്ടി പോലീസ് കമ്മീഷണര് ജി. പൂങ്കുഴലിയുടെ നേതൃത്വത്തില് പ്രത്യേക അന്വേഷണസംഘവും രൂപികരിച്ചിരുന്നു.
RELATED STORIES
ഫ്രീലാന്സ് ജോലികളുടെ കാലം
20 April 2024 7:03 AM GMTകണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMTഭരണഘടനയെ അട്ടിമറിക്കുന്ന മോദി സര്ക്കാരിനെ താഴെയിറക്കുക: പി അബ്ദുല്...
20 March 2024 6:27 PM GMTതമിഴ്നാട്ടില് എസ് ഡിപി ഐ-എഐഎഡിഎംകെ സഖ്യം; ദിണ്ടിഗല് മണ്ഡലത്തില്...
20 March 2024 5:51 PM GMT