പ്രതിപക്ഷത്ത് പുതിയ സഖ്യം; പേര് സെക്യുലര് ഡെമോക്രാറ്റിക് ഫ്രണ്ട്
ആവശ്യമായ സീറ്റുകള് ലഭിച്ചാല് കോണ്ഗ്രസിന്റെ നേതൃത്വത്തില് ഈ സഖ്യം രാഷ്ട്രപതിയെ കാണും. എന്ഡിഎക്ക് കേവല ഭൂരിപക്ഷം കിട്ടിയില്ലെങ്കിലും രാഷ്ട്രപതിയെ കാണാനുള്ള സാധ്യത കണക്കിലെടുത്താണ് ഈ നീക്കം.
ന്യൂഡല്ഹി: തിരഞ്ഞെടുപ്പ് ഫലം പ്രഖ്യാപിക്കാന് മിനിറ്റുകള് മാത്രം ബാക്കി നില്ക്കേ പ്രതിപക്ഷത്ത് പുതിയ സഖ്യം. സെക്യുലര് ഡെമോക്രാറ്റിക് ഫ്രണ്ട് എന്ന പേരില് പ്രതിപക്ഷ പാര്ട്ടികള് പുതിയ സഖ്യം രൂപീകരിക്കാനാണു തീരുമാനം. ആവശ്യമായ സീറ്റുകള് ലഭിച്ചാല് കോണ്ഗ്രസിന്റെ നേതൃത്വത്തില് ഈ സഖ്യം രാഷ്ട്രപതിയെ കാണും. എന്ഡിഎക്ക് കേവല ഭൂരിപക്ഷം കിട്ടിയില്ലെങ്കിലും രാഷ്ട്രപതിയെ കാണാനുള്ള സാധ്യത കണക്കിലെടുത്താണ് ഈ നീക്കം. ഫലം അനുകൂലമെങ്കില് പ്രതിപക്ഷത്തെ ഐക്യം ബോധ്യപ്പെടുത്തി സര്ക്കാര് രൂപീകരിക്കാനുള്ള അവകാശവാദം ഉന്നയിക്കുകയായിരിക്കും സഖ്യം ചെയ്യുക.
യുപിഎയിലെ പാര്ട്ടികള്ക്കു പുറമേ മറ്റ് ബിജെപി വിരുദ്ധ കക്ഷികളെ കൂടി ഒപ്പം നിര്ത്തിയായിരിക്കും സഖ്യം രൂപീകരിക്കുക. രാഷ്ട്രപതിക്ക് മുന്നിലെത്തിക്കാനായി ഇതിനകം കോണ്ഗ്രസ് നേതാവ് അഭിഷേക് മനു സിങ്വിയുടെ നേതൃത്വത്തിലുള്ള നിയമ വിദഗ്ധര് മൂന്ന് കത്തുകള് തയ്യാറാക്കിയിട്ടുണ്ട്. പുതിയ സഖ്യത്തിന്റെ രൂപീകരണം അറിയിച്ച് സഖ്യത്തിലെ മുഴുവന് പാര്ട്ടി നേതാക്കളുടെയും ഒപ്പുകള് അടങ്ങുന്ന കത്ത് പ്രസിഡന്റ് രാം നാഥ് കോവിന്ദിന് അയക്കുകയായിരിക്കും ആദ്യം ചെയ്യുക. സര്ക്കാര് രൂപീകരണത്തിനുള്ള അവകാശവാദം ഉന്നയിക്കുന്നതായിരിക്കും രണ്ടാമത്തെ കത്ത്. പിന്നീട് രാത്രി വൈകി പുതിയ മുന്നണിയുടെ നേതാവ് ആരെന്നറിയിക്കുന്ന കത്തും നല്കാനാണ് ലക്ഷ്യമിടുന്നത്.
അതേ സമയം, ആവശ്യമായ ഭൂരിപക്ഷം കിട്ടിയില്ലെങ്കില് ഇപ്പോള് പ്രതിപക്ഷത്തോടൊപ്പം നില്ക്കുന്ന ചില പാര്ട്ടികളെ ചാക്കിടാന് ബിജെപിയും ശ്രമം തുടങ്ങിയിട്ടുണ്ട്. ഇതിന്റെ ഭാഗമായി ഒഡിഷയിലെ നവീന് പട്നായികിനെ ഒപ്പം നിര്ത്താന് ബിജെപി കരുക്കള് നീക്കി തുടങ്ങി.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT