ഇന്നും കനത്ത മഴ; 12 ജില്ലകളില് യെല്ലോ അലേര്ട്ട്, മലയോര മേഖലയ്ക്ക് പ്രത്യേക നിര്ദേശം
തിരുവനന്തപുരം: സംസ്ഥാനത്ത് ഇന്നും മഴ തുടരുമെന്ന് മുന്നറിയിപ്പ്. 12 ജില്ലകളിലാണ് ഇന്ന് യെല്ലോ അലേര്ട്ട് പ്രഖ്യാപിച്ചിട്ടുള്ളത്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലാണ് യെല്ലോ അലേര്ട്ട്. 24 മണിക്കൂറില് 64.5 mm മുതല് 115.5 mm വരെയുള്ള മഴയാണ് ശക്തമായ മഴ കൊണ്ട് അര്ത്ഥമാക്കുന്നത്.
ചില ജില്ലകളില് കേന്ദ്ര കാലാവസ്ഥാ വകുപ്പ് മഞ്ഞ അലേര്ട്ട് ആണ് നല്കിയിരിക്കുന്നതെങ്കിലും മലയോര മേഖലകളില് ഒറ്റപ്പെട്ട ശക്തമായ ഇടിയോടു കൂടിയ മഴക്ക് സാധ്യത ഉള്ളതിനാല് കഴിഞ്ഞ ദിവസങ്ങളില് ശക്തമായ മഴ ലഭിച്ച മലയോരപ്രദേശങ്ങളില് ഓറഞ്ച് അലേര്ട്ടിന് സമാനമായ ജാഗ്രത പാലിക്കേണ്ടതുണ്ട്. കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
2018, 2019, 2020, 2021 വര്ഷങ്ങളില് ഉരുള്പൊട്ടല്മണ്ണിടിച്ചില്, വെള്ളപ്പൊക്കം എന്നിവ ഉണ്ടായ മേഖലകളില് ഉള്ളവര്, ജിയോളജിക്കല് സര്വേ ഓഫ് ഇന്ത്യയും സംസ്ഥാന ദുരന്ത നിവാരണ അതോറിറ്റിയുടെ വിദഗ്ധ സമിതിയും അപകട സാധ്യത മേഖലകള് അഥവാ വാസയോഗ്യമല്ലാത്ത പ്രദേശങ്ങള് എന്ന് കണ്ടെത്തിയ സ്ഥലങ്ങളില് താമസിക്കുന്നവരും അവിടങ്ങളിലുള്ള തദ്ദേശ സ്ഥാപനങ്ങളും സര്ക്കാര് സംവിധാനങ്ങളും അപകട സാധ്യത മുന്നില് കണ്ട് കൊണ്ടുള്ള തയ്യാറെടുപ്പുകള് പൂര്ത്തീകരിക്കേണ്ടതാണ്.
വിവിധ ദിവസങ്ങളിലെ മഴ മുന്നറിയിപ്പുകള്
14-07-2022: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
15-07-2022: തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
16-07-2022: തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
17-07-2022: കോഴിക്കോട്, കണ്ണൂര്.
RELATED STORIES
രാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMT