ഗവര്ണര് കേരളത്തോട് നശീകരണ സമീപനം സ്വീകരിക്കുന്നു: തുളസീധരന് പള്ളിക്കല്
ഭരണഘടനാ സ്ഥാപനമായ രാജ്ഭവനെ ഗവര്ണര് ആര്എസ്എസ് ആസ്ഥാനമാക്കി മാറ്റി. ആര്എസ്എസ്സിന്റെ ഗൂഢപദ്ധതി സംസ്ഥാനത്ത് നടപ്പാക്കുകയെന്ന ഉത്തരവാദിത്തമാണ് ഗവര്ണര് നടപ്പാക്കിക്കൊണ്ടിരിക്കുന്നത്.

തിരുവനന്തപുരം: ഗവര്ണര് മുഹമ്മദ് ആരിഫ് ഖാന് കേരളത്തോട് നശീകരണ സമീപനം സ്വീകരിക്കു കയാണെന്ന് എസ്ഡിപിഐ സംസ്ഥാന വൈസ് പ്രസിഡന്റ് തുളസീധരന് പള്ളിക്കല്.
ഭരണഘടനാ സ്ഥാപനമായ രാജ്ഭവനെ ഗവര്ണര് ആര്എസ്എസ് ആസ്ഥാനമാക്കി മാറ്റി. ആര്എസ്എസ്സിന്റെ ഗൂഢപദ്ധതി സംസ്ഥാനത്ത് നടപ്പാക്കുകയെന്ന ഉത്തരവാദിത്തമാണ് ഗവര്ണര് നടപ്പാക്കിക്കൊണ്ടിരിക്കുന്നത്. ചില ചാനലുകള്ക്ക് മാത്രം പ്രവേശനത്തിന് അനുമതി നല്കുകയും മറ്റു ചില ചാനലുകളെ വിലക്കുകയും ചെയ്യുന്നത് അപലപനീയമാണ്. കേരളത്തിലെ മാധ്യമ പ്രവര്ത്തകരെ അവഹേളിക്കുന്ന തരത്തില് ഗവര്ണര് കഴിഞ്ഞ ദിവസം നടത്തിയ പ്രതികരണം പ്രതിഷേധാര്ഹമാണ്.
വാര്ത്താശേഖരണത്തിന്റെ ഭാഗമായി പ്രതികരണം ആരാഞ്ഞ മാധ്യമ പ്രവര്ത്തകരെ വേഷം മാറിവരുന്ന വ്യാജന്മാര് എന്ന തരത്തില് വിശേഷിപ്പിച്ചത് ഉന്നതമായ ഭരണഘടനാ പദവി വഹിക്കുന്ന ഒരാള്ക്ക് യോജിച്ചതല്ല.
രാജി ആവശ്യപ്പെട്ട് വിസിമാര്ക്ക് കത്തയച്ച നടപടിയില് ഹൈക്കോടതിയില് നിന്നുണ്ടായ രൂക്ഷമായ വിമര്ശനം ഗവര്ണര്ക്ക് ഗുണപാഠമാകണം. ഗവര്ണര് എന്നത് സംസ്ഥാനത്തെ മുഴുവന് അടക്കിവാഴുന്നതിനുള്ള രാജാധികാരമാണെന്നാണ് ഗവര്ണര് ആരിഫ് മുഹമ്മദ് ഖാന് ധരിച്ചിരിക്കുന്നത്. സര്ക്കാരിനെയും സര്വസംവിധാനങ്ങളെയും വരുതിയില് നിര്ത്താനാണ് ഗവര്ണര് ശ്രമിക്കുന്നത്. സംഘപരിവാരത്തിന്റെ റാന് മൂളിയായി ഗവര്ണര് മാറിയിരിക്കുകയാണെന്നും തുളസീധരന് പള്ളിക്കല് പറഞ്ഞു.
വാര്ത്താ സമ്മേളനത്തില് പാര്ട്ടി സംസ്ഥാന സമിതിയംഗം അഷ്റഫ് പ്രാവച്ചമ്പലം, തിരുവനന്തപുരം ജില്ലാ പ്രസിഡന്റ് സിയാദ് കണ്ടല , ജില്ലാ ജനറല് സെക്രട്ടറി ഷബീര് ആസാദ് സംബന്ധിച്ചു.
RELATED STORIES
പെരുമ്പടപ്പില് വിവാഹത്തില് പങ്കെടുത്ത നിരവധി പേര്ക്ക് ഭക്ഷ്യവിഷബബാധ
4 Jun 2023 5:57 PM GMTജുഡീഷ്യറിയില് നിന്നുള്ള അനീതി അരാജകത്വം ഉണ്ടാക്കും: വിസ് ഡം സമ്മേളനം
3 Oct 2020 10:49 AM GMTഖത്തറില് 23 കാരന് ഹൃദായാഘാതത്തെ തുടര്ന്ന് മരിച്ചു
19 Oct 2018 12:47 PM GMTമഞ്ചേരിയില് കാല്നടയാത്ര അപകടമുനമ്പില്
18 Oct 2018 3:53 AM GMTഓട്ടോ ഡ്രൈവറെ കുത്തിക്കൊന്ന പ്രതി ആദം പോലിസ് വളര്ത്തിയ ഒറ്റുകാരന്
18 Oct 2018 3:52 AM GMTചേളാരി ഐഒസി പ്ലാന്റ്; പ്രവര്ത്തനം നിയമാനുസൃതമെന്ന് കമ്പനി അധികൃതര്
18 Oct 2018 3:52 AM GMT