സിപിഎം ഓഫിസില്‍ പീഡനം: ചോരകുഞ്ഞിനെ ഉപേക്ഷിച്ചതിന് യുവതിക്കെതിരേ കേസ്

പാലക്കാട്: ചെറുപ്പുളശ്ശേരിയില്‍ സിപിഎം ഓഫിസില്‍ പീഡനത്തിനിരയായെന്ന് പരാതി നല്‍കിയ യുവതിക്കെതിരേ കേസ്. നവജാത ശിശുവിനെ ഉപേക്ഷിച്ചതിനാണ് ജാമ്യമില്ലാ വകുപ്പു പ്രകാരം കേസെടുത്തിരിക്കുന്നത്. ആശുപത്രിയില്‍ ചികില്‍സയില്‍ കഴിയുന്ന കുഞ്ഞിന്റെ നില ഗുരുതരമായി തുടരുകയാണ്.

കഴിഞ്ഞ ശനിയാഴ്ച ഉച്ചയ്ക്ക് ഒരു മണിയോടെ മണ്ണൂര്‍ നഗരിപ്പുറത്താണ് ചോരക്കുഞ്ഞിനെ ഉപേക്ഷിച്ച നിലയില്‍ കണ്ടെത്തിയത്. തുടര്‍ന്ന് നടന്ന അന്വേഷണത്തില്‍ കുഞ്ഞിന്റെ അമ്മയെ കണ്ടെത്തി. പോലിസ് ചോദ്യം ചെയ്യലില്‍ യുവതി പീഡനവിവരം പുറത്തുപറയുകയായിരുന്നു. ചെറുപ്പളശ്ശേരിയിലെ സിപിഎം ഏരിയ കമ്മിറ്റി ഓഫിസില്‍വെച്ചാണ് പീഡനം നടന്നതെന്നും പാര്‍ട്ടിയുമായി ബന്ധമുള്ള ആളാണ് പീഡിപ്പിച്ചതെന്നുമായിരുന്നു പരാതി.