മാതാവിന്റെ കണ്മുന്നില് കിടപ്പുരോഗിയായ പിതാവിനെ മകന് പെട്രോളൊഴിച്ച് തീകൊളുത്തി കൊന്നു
![മാതാവിന്റെ കണ്മുന്നില് കിടപ്പുരോഗിയായ പിതാവിനെ മകന് പെട്രോളൊഴിച്ച് തീകൊളുത്തി കൊന്നു മാതാവിന്റെ കണ്മുന്നില് കിടപ്പുരോഗിയായ പിതാവിനെ മകന് പെട്രോളൊഴിച്ച് തീകൊളുത്തി കൊന്നു](https://www.thejasnews.com/h-upload/2023/11/29/216096-kollam.webp)
കൊല്ലം: മാതാവിന്റെ കണ്മുന്നില് കിടപ്പുരോഗിയായ പിതാവിനെ പെട്രോളൊഴിച്ച് തീകൊളുത്തി കൊലപ്പെടുത്തിയ മകന് അറസ്റ്റില്. കോട്ടപ്പുറം തെക്കേകല്ലുപുറം വീട്ടില് പി ശ്രീനിവാസന്(85) ആണ് കൊല്ലപ്പെട്ടത്. സംഭവത്തില് ഇദ്ദേഹത്തിന്റെ രണ്ടാമത്തെ മകന് കോട്ടപ്പുറം തെക്കേകല്ലുപുറം വീട്ടില് എസ് അനില്കുമാറി(52)നെയാണ് അറസ്റ്റ് ചെയ്തത്. കൊല്ലം പരവൂരില് ഇന്ന് രാവിലെ 11ഓടെയാണ് അതിദാരുണസംഭവം. വര്ഷങ്ങളായി കിടപ്പുരോഗിയായ പിതാവിനോട് ഓട്ടോഡ്രൈവറായ മകന് പണവും മറ്റും ആവശ്യപ്പെട്ടിരുന്നു. മാതാപിതാക്കള് താമസിക്കുന്ന വീട്ടിലെത്തി അനില്കുമാര് തന്റെ മകന് വിദേശത്ത് പഠിക്കാനുള്ള തുകയും പുതിയതായി വാങ്ങിയ ഓട്ടോയ്ക്ക് നല്കാന് ഒരുലക്ഷം രൂപയുമാണ് ആവശ്യപ്പെട്ടത്. ഇതിനു സമ്മതിക്കാത്തതോടെ അനില്കുമാര് പ്ലാസ്റ്റിക് കുപ്പിയില് കരുതിയിരുന്ന പെട്രോള് ശ്രീനിവാസന്റെ ദേഹത്തേക്ക് ഒഴിച്ചു തീകൊളുത്തുകയായിരുന്നു. മാതാവ് വസുമതിയുടെ കണ്മുന്നില് വച്ചായിരുന്നു സംഭവം. ഈസമയം അടുക്കളയിലുണ്ടായിരുന്ന ഹോം നഴ്സ് ബഹളം വച്ചതോടെ അനില്കുമാര് പുറത്തേക്ക് ഓടുകയായിരുന്നു. വിവരമറിഞ്ഞ് അയല്വാസികള് പരവൂര് പോലിസിനെയും ഫയര്ഫോഴ്സിനെയും അറിയിച്ചു. പോലിസ് എത്തുന്നതിന് മുമ്പേ വെള്ളം ഒഴിച്ചു തീയണയ്ക്കാന് ശ്രമിച്ചെങ്കിലും കിടക്കയ്ക്ക് തീപിടിച്ചതിനാല് ഗുരുതരമായി പൊള്ളലേറ്റ് ശ്രീനിവാസന് മരണപ്പെടുകയായിരുന്നു. തലേന്ന് രാത്രി മദ്യപിച്ചെത്തി പണം ആവശ്യപ്പെട്ട അനില്കുമാര് പിതാവിനെ പെട്രോള് ഒഴിച്ചു കൊലപ്പെടുത്തുമെന്ന് ഭീഷണിപ്പെടുത്തിയിരുന്നതായി വീട്ടുകാര് പറഞ്ഞു.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT