'കശ്മീരികള് സ്വയം ബലി നല്കണമെന്നാണോ നിങ്ങള് കരുതുന്നത്' വിമര്ശനവുമായി അസദുദ്ദീന് ഉവൈസി
ബലി പെരുന്നാള് ദിനത്തിന് മുന്നോടിയായി കശ്മീരില് ഏര്പ്പെടുത്തിയ കനത്ത സുരക്ഷയെയും ഉവൈസി വിമര്ശിച്ചു. പെരുന്നാള് ദിനത്തില് ആടിന് പകരം കശ്മീരികള് സ്വയം ബലി നല്കണമെന്നാണോ നിങ്ങള് കരുതുന്നത്. നിങ്ങള് ആവശ്യപ്പെടുന്നത് അതാണെങ്കില് അവര് ഉറപ്പായും അത് ചെയ്തിരിക്കും.
ന്യൂഡല്ഹി: കശ്മീര് വിഷയത്തില് കേന്ദ്ര സര്ക്കാരിനെതിരേ രൂക്ഷ വിമര്ശനവുമായി എഐഎംഐഎം നേതാവും എംപിയുമായ അസദുദ്ദീന് ഉവൈസി. ചരിത്രപരമായ മൂന്നാമത്തെ വിഡ്ഢിത്തമാണ് പ്രത്യേക പദവി റദ്ദാക്കിയതെന്ന് അദ്ദേഹം ലോക്സഭയില് പറഞ്ഞു. 1953ല് ഷെയ്ക് അബ്ദുള്ളയെ അറസ്റ്റ് ചെയ്തതാണ് ആദ്യത്തെ മണ്ടത്തരം. 1987ല് നിയമസഭ തിരഞ്ഞെടുപ്പിനെ കൃത്രിമമെന്ന് ആരോപിച്ചതാണ് രണ്ടാമത്തെ മണ്ടത്തരമെന്നും ഉവൈസി പറഞ്ഞു.
ജമ്മു കശ്മീരിലെ ജനത്തിന് ഭരണഘടന വാഗ്ദാനം ചെയ്ത അവകാശങ്ങളാണ് ബിജെപി സര്ക്കാര് ഇല്ലാതാക്കിയത്. ഭരണഘടന ചുമതലകള്ക്കനുസരിച്ചല്ല ബിജെപി പ്രവര്ത്തിക്കുന്നത്.
ബലി പെരുന്നാള് ദിനത്തിന് മുന്നോടിയായി കശ്മീരില് ഏര്പ്പെടുത്തിയ കനത്ത സുരക്ഷയെയും ഉവൈസി വിമര്ശിച്ചു. പെരുന്നാള് ദിനത്തില് എന്താണ് സംഭവിക്കുക. ആടിന് പകരം കശ്മീരികള് സ്വയം ബലി നല്കണമെന്നാണോ നിങ്ങള് കരുതുന്നത്. നിങ്ങള് ആവശ്യപ്പെടുന്നത് അതാണെങ്കില് അവര് ഉറപ്പായും അത് ചെയ്തിരിക്കും. അവര് ഇപ്പോള് അതാണ് ചെയ്ത് കൊണ്ടിരിക്കുന്നത്. നിങ്ങളുടെ എംപിമാര് ഇത് ദീപാവലിയാണെന്ന് പറയുന്നു. അങ്ങനെയെങ്കില് എന്തുകൊണ്ടാണ് കശ്മീരികള്ക്ക് ആഘോഷിക്കാന് കഴിയാത്തതെന്നും ഉവൈസി ചോദിച്ചു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
