സഹോദരിയുടെ മരുമകളുടെ കഴുത്തറുത്ത യുവതി തലയുമായി പോലിസ് സ്‌റ്റേഷനിലെത്തി (വീഡിയോ)

അമരാവതി: സഹോദരിയുടെ മരുമകളുടെ കഴുത്ത യുവതി തലയുമായി റോഡിലൂടെ നടന്ന പോലിസ് സ്‌റ്റേഷനിലെത്തി കീഴടങ്ങി. ആന്ധ്രാപ്രദേശിലാണ് ഞെട്ടിക്കുന്ന സംഭവം അരങ്ങേറിയത്. അന്നമയ്യ ജില്ലയിലെ ജില്ലാ ആസ്ഥാനമായ രായച്ചോട്ടിലാണ് സംഭവം. ഉച്ചഭക്ഷണത്തിന് ക്ഷണിച്ച വസുന്ധര(35)യെയാണ് സുബ്ബമ്മയും ബന്ധുക്കളും ചേര്‍ന്ന് ക്രൂരമായി കൊലപ്പെടുത്തിയത്. തുടര്‍ന്ന് യുവതിയുടെ തല വെട്ടിയശേഷം കീഴടങ്ങാനായി അറുത്തുമാറ്റിയ തലയുമായി ആറു കിലോമീറ്റര്‍ അകലെയുള്ള രായച്ചോട്ടി പോലിസ് സ്‌റ്റേഷനിലെത്തി.

In an appalling incident, a mother-in-law beheaded her 35-year-old daughter-in-law and walked into the police station with her severed head in the Annamayya district of #AndhraPradesh. #Crime pic.twitter.com/RpJG92MnQW

— Ashish (@KP_Aashish) August 11, 2022

അറുത്തുമാറ്റിയ തല പോളിത്തിന്‍ ബാഗിലാക്കി പോലിസ് സ്‌റ്റേഷനിലെത്തിയ യുവതിയെ കണ്ട് പോലിസ് ഞെട്ടി. സംഭവസ്ഥലത്തെത്തിയ പോലിസ് തലയും ശരീരഭാഗങ്ങളും പോസ്റ്റ്‌മോര്‍ട്ടത്തിനായി സര്‍ക്കാര്‍ ആശുപത്രിയിലേക്ക് മാറ്റി.

വീട്ടിലെ പ്രശ്‌നങ്ങളും സ്വത്ത് തര്‍ക്കവുമാണ് കൊലപാതകത്തിലേക്ക് നയിച്ചതെന്നാണ് പോലിസ് സംശയിക്കുന്നത്. കേസ് രജിസ്റ്റര്‍ ചെയ്തിട്ടുണ്ടെന്നും കുറ്റകൃത്യത്തില്‍ ഉള്‍പ്പെട്ട മറ്റുള്ളവരെ തിരിച്ചറിയാനും പിടികൂടാനും ശ്രമിക്കുന്നുണ്ടെന്ന് ഒരു പോലിസ് ഉദ്യോഗസ്ഥന്‍ പറഞ്ഞു.