കുര്ളയില് 20 കാരിയെ ബലാല്സംഗം ചെയ്തു കൊലപ്പെടുത്തി
എച്ച്ഡിഐഎല് കോളനിയിലുള്ള കെട്ടിടത്തിലെ ടെറസിലാണ് 20 വയസ് പ്രായം തോന്നിക്കുന്ന യുവതിയുടെ മൃതദേഹം കണ്ടെത്തിയത്.
![കുര്ളയില് 20 കാരിയെ ബലാല്സംഗം ചെയ്തു കൊലപ്പെടുത്തി കുര്ളയില് 20 കാരിയെ ബലാല്സംഗം ചെയ്തു കൊലപ്പെടുത്തി](https://www.thejasnews.com/h-upload/2021/11/27/173133-rape111200x76801200x768.jpeg)
മുംബൈ: മുംബൈയിലെ കുര്ളയില് 20കാരിയായ യുവതിയെ അജ്ഞാതര് ബലാത്സംഗം ചെയ്ത് കൊലപ്പെടുത്തിയ നിലയില് കണ്ടെത്തി. ആളൊഴിഞ്ഞ കെട്ടിടത്തിലാണ് മൃതദേഹം കണ്ടെത്തിയത്. ഇന്ത്യന് ശിക്ഷാ നിയമത്തിലെ 376, 302 വകുപ്പുകള് പ്രകാരം പോലിസ് കേസെടുത്തു, പ്രതികള്ക്കായി തിരച്ചില് തുടരുകയാണ്.
എച്ച്ഡിഐഎല് കോളനിയിലുള്ള കെട്ടിടത്തിലെ ടെറസിലാണ് 20 വയസ് പ്രായം തോന്നിക്കുന്ന യുവതിയുടെ മൃതദേഹം കണ്ടെത്തിയത്. പോസ്റ്റ്മോര്ട്ടം റിപ്പോര്ട്ടില് യുവതി ബലാത്സംഗത്തിനിരയായതായി വ്യക്തമായിട്ടുണ്ട്. യുവതിയുടെ തലയ്ക്ക് മാരകമായ പരിക്കേറ്റിട്ടുണ്ട്. സംഭവത്തില് കൊലപാതകം, ബലാത്സംഗം തുടങ്ങിയ വകുപ്പുകള് ചേര്ത്ത് കേസെടുത്തതായി പോലിസ് അറിയിച്ചു.
വ്യാഴാഴ്ച വൈകീട്ട് ചില ആണ്കുട്ടികള് വീഡിയോ ചിത്രീകരിക്കാനായി കെട്ടിടത്തില് എത്തിയപ്പോഴാണ് മൃതദേഹം കണ്ടത്. തുടര്ന്ന് കുട്ടികള് പോലിസിനെ വിവരമറിയിച്ചതാണെന്ന് ഡെപ്യൂട്ടി കമ്മീഷണര് പ്രണയ് അശോക് പറഞ്ഞു. അഴുകിത്തുടങ്ങിയ നിലയിലാണ് യുവതിയുടെ മൃതദേഹം. യുവതിയെ ഇതുവരെ തിരിച്ചറിയാന് കഴിഞ്ഞിട്ടില്ലെന്നും അന്വേഷണത്തിന് പ്രത്യേക സംഘങ്ങളെ നിയോഗിച്ചിട്ടുണ്ടെന്നും ഡിസിപി വ്യക്തമാക്കി.
മൃതദേഹം കണ്ട കുട്ടികളുടെ മൊഴി പോലിസ് രേഖപ്പെടുത്തി. സമീപപ്രദേശങ്ങളിലെ സിസിടിവി ദൃശ്യങ്ങളും പരിശോധിച്ചുവരികയാണ്.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT