നെയ്മര്‍ക്ക് പകരം ബെര്‍ണാഡോ സില്‍വ; പിഎസ്ജി ഡീല്‍ തള്ളി സിറ്റി

പാരിസ്: നെയ്മറിനെ വിട്ടുനല്‍കി ബെര്‍ണാഡോ സില്‍വയെ ടീമിലെത്തിക്കാനുള്ള പിഎസ്ജി ഡീല്‍ തള്ളി മാഞ്ചസ്റ്റര്‍ സിറ്റി. ബ്രസീലിയന്‍ താരത്തെ സിറ്റിക്ക് നല്‍കി സിറ്റിയുടെ ബെര്‍ണാഡോ സില്‍വയെ ടീമിലെത്തിക്കാനായിരുന്നു പിഎസ്ജിയുടെ പുതിയ സ്‌പോര്‍ട്ടിങ് ഡയറക്ടറുടെ തീരുമാനം. എന്നാല്‍ ഈ ഓഫര്‍ കോച്ച് പെപ്പ് ഗ്വാര്‍ഡിയോള വേണ്ടെന്ന് വയ്ക്കുകയായിരുന്നു. സില്‍വയെ ടീമില്‍ നിലനിര്‍ത്താനാണ് സിറ്റിയുടെ തീരുമാനം. പിഎസ്ജിയാവട്ടെ നെയ്മറെ വില്‍ക്കാനുള്ള ശ്രമത്തിലുമാണ്.