റൊണാള്‍ഡോയുടെ യുനൈറ്റഡിലേക്കുള്ള വരവ്; ഇന്‍സ്റ്റയില്‍ റെക്കോഡ് ലൈക്ക്

മാഞ്ചസ്റ്റര്‍: പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോയുടെ മാഞ്ചസ്റ്റര്‍ യുനൈറ്റഡിലേക്കുള്ള തിരിച്ചുവരവിന്റെ അനൗണ്‍സ്‌മെന്റ് പോസ്റ്റ് ഇന്‍സ്റ്റയില്‍ റെക്കോഡുകള്‍ തകര്‍ത്തു. താരത്തിന്റെ പോസ്റ്റിന് 12 മില്ല്യണ്‍ ലൈക്കുകളാണ് ലഭിച്ചത്. ഒരു സ്‌പോര്‍ട്‌സ് ടീമിന് ഇന്‍സ്റ്റയില്‍ ലഭിക്കുന്ന ഏറ്റവുമധികം ലൈക്കെന്ന റെക്കോഡാണ് ഈ പോസ്റ്റ് നേടിയത്. നേരത്തെ പിഎസ്ജിയിലേക്ക് അരങ്ങേറിയ സൂപ്പര്‍ താരം ലയണല്‍ മെസ്സിയുടെ അനൗണ്‍സ്‌മെന്റ് പോസ്റ്റിന് ഇത്രയും ലൈക്ക് ലഭിച്ചിട്ടില്ല. എന്നാല്‍ താരത്തിന്റെ ഫോട്ടോയ്ക്ക് കൂടുതല്‍ ലൈക്ക് ലഭിച്ചിരുന്നു. അന്ന് റൊണാള്‍ഡോയുടെ തന്നെ മറ്റൊരു ഫോട്ടോയുടെ റെക്കോഡാണ് മെസ്സി തകര്‍ത്തത്.