ഏഴാം നമ്പര്‍; എഡിസണ്‍ കവാനിക്ക് നന്ദി അറിയിച്ച് റൊണാള്‍ഡോ

മാഞ്ചസ്റ്റര്‍: ക്രിസ്റ്റിയാനോ റൊണാള്‍ഡോയുടെ ഇതിഹാസ ഏഴാം നമ്പര്‍ മാഞ്ചസ്റ്റര്‍ യുനൈറ്റഡില്‍ വീണ്ടും ലഭിച്ചതിന് നന്ദി അറിയിച്ച് താരം. സഹതാരം എഡിസണ്‍ കവാനിയാണ് റൊണാള്‍ഡോയ്ക്ക് തന്റെ ഏഴാം നമ്പര്‍ നല്‍കിയത്. ഇതിനാണ് റോണോ ഉറുഗ്വെ താരത്തിന് നന്ദി അറിയിച്ചത്. യുവന്റസില്‍ നിന്നും പഴയ ക്ലബ്ബിലേക്ക് തിരിച്ചുവന്ന റൊണാള്‍ഡോയ്ക്ക് ഏഴാം നമ്പര്‍ ലഭിക്കുമോ എന്ന് ഉറപ്പില്ലായിരുന്നു. കവാനി ചെയ്ത ഈ പ്രവൃത്തിക്ക് അദ്ദേഹത്തോടെ നന്ദി അറിയിക്കുന്നതായി റൊണാള്‍ഡോയെ ഉദ്ധരിച്ച് യുനൈറ്റഡ് അറിയിച്ചു. യുനൈറ്റഡ് ആരാധകരുടെ സോഷ്യല്‍ മീഡിയ പേജുകളിലും കവാനിക്ക് നന്ദി അറിയിച്ചുള്ള പോസ്റ്റുകളുണ്ട്. കവാനി 21ാം നമ്പര്‍ ജെഴ്‌സിയാണ് അണിയുക. സിആര്‍7 എന്ന ബ്രാന്റിനെ ലോകപ്രശ്‌സ്തമാക്കിയത് യുനൈറ്റഡിലെ ഏഴാം നമ്പറാണ്. റയലിലും യുവന്റസിലും പോര്‍ച്ചുഗലിനായും താരം ഏഴാം നമ്പറിലാണ് കളിച്ചത്.