അര്ജന്റീനന് ആരാധകരോട് മോശമായി പെരുമാറി; ബ്രസീലിനെതിരെ കനത്ത നടപടിക്ക് സാധ്യത
റിയോ ഡി ജനീറോ: ഫിഫ ലോകകപ്പ് യോഗ്യതാ മത്സരത്തിനിടെ അര്ജന്റൈന് ആരാധകരോട് മോശമായി പെരുമാറിയ ബ്രസീലിനെതിരെ ഫിഫയുടെ ശിക്ഷ നടപടി ഉണ്ടായേക്കും. മാറക്കാനയില് മത്സരം തുടങ്ങും മുന്പേ അര്ജന്റൈന് ആരാധകരെ ബ്രസീലിയന് ആരാധകര് ആക്രമിക്കുകയായിരുന്നു. ബ്രസീലിയന് പോലിസും അര്ജന്റൈന് ആരാധകരെ മര്ദിച്ചു. ഇതില് പ്രതിഷേധിച്ച് അര്ജന്റൈന് ടീം കളിക്കളം വിട്ടുപോയിരുന്നു. ഈ പശ്ചാത്തലത്തില് ബ്രസീലിനെതിരെ കടുത്ത നടപടി ഉണ്ടായേക്കും. ഹോം മത്സരങ്ങളില് നിന്ന് കാണികളെ വിലക്കുക, പിഴ ചുമത്തുക, ഇതുമല്ലെങ്കില് ഒരു പോയിന്റ് വെട്ടിക്കുറയ്ക്കുക എന്നിവയിലൊരു നടപടിയാണ് ബ്രസീലിനെ കാത്തിരിക്കുന്നത്.
തുടര്ച്ചയായ മൂന്ന് മത്സരത്തില് തോറ്റ ബ്രസീല് ലാറ്റിനമേരിക്കന് യോഗ്യതാ റൗണ്ടില് ആറാം സ്ഥാനത്താണിപ്പോള്. പോയിന്റ് വെട്ടിക്കുറയ്ക്കുന്നത് ഈ സാഹചര്യത്തില് ബ്രസീലിന് കനത്ത തിരിച്ചടിയാവും. ലാറ്റിനമേരിക്കന് യോഗ്യതാ റൗണ്ടില് 6 കളികളില് 15 പോയിന്റുമായി നിലവിലെ ചാമ്പ്യന്മാരായ അര്ജന്റീനയാണ് തലപ്പത്ത്. ഇത്രതന്നെ മത്സരങ്ങളില് ഏഴ് പോയിന്റ് മാത്രമേ ആറാമത് നില്ക്കുന്ന ബ്രസീലിനുള്ളൂ. മാറക്കാന വേദിയായ ഐതിഹാസിക മത്സരത്തില് എതിരില്ലാത്ത ഒരു ഗോളിന് അര്ജന്റീനയോട് ബ്രസീല് പരാജയം സമ്മതിച്ചിരുന്നു. 63-ാം മിനുറ്റില് ലോ സെല്സോ എടുത്ത കോര്ണറില് ഉയര്ന്ന് ചാടി തലവെച്ച നിക്കോളാസ് ഒട്ടാമെന്ഡിയാണ് അര്ജന്റീനയ്ക്ക് സൂപ്പര് ടീമുകളുടെ പോരാട്ടത്തില് ജയമൊരുക്കിയത്.
മാറക്കാനയിലെ ബ്രസീല്-അര്ജന്റീന പോരാട്ടത്തിന്റെ കിക്കോഫിന് തൊട്ടുമുമ്പാണ് ഗ്യാലറിയില് ആരാധകര് ഏറ്റുമുട്ടിയത്. ദേശീയഗാന സമയത്ത് ബ്രസീല് ആരാധകര് കൂക്കിവിളിച്ചെന്നും എവേ ടീം ഫാന്സിന് അനുവദിച്ച സ്ഥലം കൂടി കയ്യേറാന് ശ്രമിച്ചെന്നും അര്ജന്റൈന് ആരാധകര് ആരോപിച്ചു. ഇരു ആരാധകക്കൂട്ടവും തമ്മില് തര്ക്കവും കയ്യാങ്കളിയുമായതോടെ തൊട്ടുപിന്നാലെ പൊലീസ് എത്തി ലാത്തി വീശി. കടുത്ത പോലിസ് നടപടിയില് നിരവധി പേര്ക്ക് പരിക്കേറ്റു. ആരാധകരെ ബ്രസീലിയന് കാണികളും പോലിസും തല്ലുന്നത് കണ്ട അര്ജന്റൈന് ടീം പോലിസുമായി വാക്കുതര്ക്കത്തിലാവുന്നതിനും മാറക്കാനയിലെ മത്സരം സാക്ഷിയായി. ഗ്യാലറിയിലെ അനിഷ്ടസംഭവങ്ങളെ തുടര്ന്ന് അരമണിക്കൂറോളം താമസിച്ചാണ് ബ്രസീല്-അര്ജന്റീന മത്സരം തുടങ്ങിയത്.
RELATED STORIES
'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMTനോട്ടയ്ക്ക് വോട്ട് ചെയ്യാന് ആഹ്വാനം ചെയ്ത് കോണ്ഗ്രസ്|thejasnews
2 May 2024 11:27 AM GMT