അര്ജന്റീന മുന്നേറ്റ നിര താരം ജോര്ജ് പെരേര ഡയസ് കേരള ബ്ലാസ്റ്റേഴ്സില്
അര്ജന്റീന ക്ലബ് അത്ലറ്റികോ പ്ലാറ്റെന്സില്നിന്ന് വായ്പ്പാടിസ്ഥാനത്തിലാണ് പെരേര ഡയസ് ബ്ലാസ്റ്റേഴ്സിലെത്തുന്നത്.2008ല് അര്ജന്റീന ടീം ഫെറോ കാറില് ഒയ്സ്റ്റെറ്റെയിലൂടെ പ്രഫഷണല് അരങ്ങേറ്റം കുറിച്ച പെരേര ഡയസ് നാല് വര്ഷം അവിടെ കളിച്ചു. പിന്നീട് അത്ലറ്റികോ ലാനുസില് എത്തിയ മുപ്പത്തൊന്നുകാരന് ലാനുസിന് 2013ലെ കോപ സുഡാമേരിക്കാന കിരീടം സമ്മാനിച്ചു
കൊച്ചി: അര്ജന്റീന മുന്നേറ്റ നിര താരം ജോര്ജ് റൊണാള്ഡോ പെരേര ഡയസ് 2021-22 ഐഎസ്എല് സീസണില് കേരള ബ്ലാസ്റ്റേഴ്സിനായി കളിക്കും. അര്ജന്റീന ക്ലബ് അത്ലറ്റികോ പ്ലാറ്റെന്സില്നിന്ന് വായ്പ്പാടിസ്ഥാനത്തിലാണ് പെരേര ഡയസ് ബ്ലാസ്റ്റേഴ്സിലെത്തുന്നത്.2008ല് അര്ജന്റീന ടീം ഫെറോ കാറില് ഒയ്സ്റ്റെറ്റെയിലൂടെ പ്രഫഷണല് അരങ്ങേറ്റം കുറിച്ച പെരേര ഡയസ് നാല് വര്ഷം അവിടെ കളിച്ചു. പിന്നീട് അത്ലറ്റികോ ലാനുസില് എത്തിയ മുപ്പത്തൊന്നുകാരന് ലാനുസിന് 2013ലെ കോപ സുഡാമേരിക്കാന കിരീടം സമ്മാനിച്ചു.
മലേഷ്യന് സൂപ്പര് ലീഗ് ടീം ജോഹോര് ദാറുള് താസിം എഫ്സിയിലായിരുന്നു പിന്നീട് പന്തുതട്ടിയത്. മൂന്ന് വര്ഷത്തോളം കളിച്ച് 45 ലീഗ് മല്സരങ്ങളില്നിന്ന് 26 ഗോളടിച്ചു. താസിം എഫ്സിക്കായി എഎഫ്സി കപ്പിലും എഎഫ്സി ചാമ്പ്യന്സ് ലീഗിലും കുപ്പായമിട്ടു. ക്ലബ് അത്ലറ്റികോ ഇന്ഡിപെന്ഡിന്റെ, ക്ലബ് ലിയോണ്, ക്ലബ് ബൊളിവര്, ക്ലബ് ഡിപൊര്ടീവോ സാന് മാര്കോസ് ഡി അറിക തുടങ്ങിയ ടീമുകള്ക്കായും പെരേര ഡയസ് ബൂട്ടണിഞ്ഞു.പെരേര ഡയസിനെ പോലെ മികച്ച കളിക്കാരനെ ടീമില് ഉള്പ്പെടുത്താന് കഴിഞ്ഞതില് അഭിമാനവും സന്തോഷവുമുണ്ടെന്ന് കേരള ബ്ലാസ്റ്റേഴ്സ് എഫ്സി സ്പോര്ട്ടിങ് ഡയറക്ടര് കരോലിസ് സ്കിന്കിസ് പറഞ്ഞു.
ബ്ലാസ്റ്റേഴ്സില് ചേര്ന്നതിന് പെരേര ഡയസിനെ അഭിനന്ദിക്കുന്നു. അദ്ദേഹത്തിന്റെ മികച്ച പ്രകടനത്തിനായി കാത്തിരിക്കുകയാണ്. കഴിവിനൊത്ത് പെരേര ഡയസ് ഉയരുമെന്നാണ് പ്രതീക്ഷയെന്ന് കരോലിസ് സ്കിന്കിസ് പറഞ്ഞു.കേരള ബ്ലാസ്റ്റേഴ്സില് ചേര്ന്നതില് അതിയായ സന്തോഷമുണ്ടെന്നും മാനേജ്മെന്റിന് നന്ദിയുണ്ടെന്നും പെരേര ഡയസ് പറഞ്ഞു. മഞ്ഞപടയുടെ ആവേശം അനുഭവിക്കാന് കാത്തിരിക്കുകയാണ്. തന്റെ എല്ലാ മികവും ഈ ടീമിനായി പുറത്തെടുക്കുമെന്നും പെരേര ഡയസ് പറഞ്ഞു.ഈ സീസണില് ബ്ലാസ്റ്റേഴ്സ് ടീമില് എത്തിക്കുന്ന മൂന്നാമത്തെ വിദേശതാരമാണ് പെരേര ഡയസ്. ഡ്യൂറന്റ് കപ്പ് ഫുട്ബോളിനായി കാല്ക്കത്തയില് എത്തുന്ന ടീമിനൊപ്പം പെരേര ഡയസ് ചേരും.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT