ലോകകപ്പിന് മുമ്പ് രോഹിത്തും കോഹ്‌ലിയും ഫോം വീണ്ടെടുക്കും: ഗാംഗുലി

മുംബൈ: ഐപിഎല്ലില്‍ മോശം ഫോമില്‍ കളിക്കുന്ന ഇന്ത്യന്‍ ക്യാപ്റ്റന്‍ രോഹിത്ത് ശര്‍മ്മ, മുന്‍ ക്യാപ്റ്റന്‍ വിരാട് കോഹ്‌ലി എന്നിവര്‍ക്ക് പിന്തുണയുമായി ബിസിസിഐ പ്രസിഡന്റ് സൗരവ് ഗാംഗുലി. ഇരുവരും വരുന്ന ട്വന്റി-20 ലോകകപ്പിന് മുമ്പായി ഫോം വീണ്ടെടുത്ത് സ്‌ക്വാഡിനൊപ്പം തിരിച്ചുവരുമെന്ന് ഗാംഗുലി അറിയിച്ചു. 13മല്‍സരങ്ങളില്‍ നിന്ന് കോഹ്‌ലിക്ക് 236 റണ്‍സും രോഹിത്ത് ശര്‍മ്മയ്ക്ക് 218 റണ്‍സും മാത്രമാണുള്ളത്. ഐപിഎല്ലില്‍ താരങ്ങള്‍ മോശം ഫോമിലാണെങ്കിലും തുടര്‍ന്ന് വരുന്ന പരമ്പരകളില്‍ അവര്‍ ഫോം വീണ്ടെടുക്കും-ഗാംഗുലി അറിയിച്ചു.