മുംബൈക്ക് തിരിച്ചടി; ടൈമല്‍ മില്‍സ് പുറത്ത്; ട്രിസ്റ്റാന്‍ സ്റ്റബസ് ടീമില്‍

പൂനെ: ഐപിഎല്ലില്‍ മോശം ഫോം തുടരുന്ന മുംബൈ ഇന്ത്യന്‍സിന് കനത്ത തിരിച്ചടിയായി ടൈമല്‍ മില്‍സിന്റെ പരിക്ക്.ഫാസ്റ്റ് ബൗളറായ മില്‍സിന്റെ കണങ്കാലിനാണ് പരിക്കേറ്റത്. പരിക്കേറ്റ ഇംഗ്ലണ്ട് താരത്തിന് ഈ സീസണില്‍ തുടര്‍ന്ന് കളിക്കാനാവില്ലെന്ന് മുംബൈ ഇന്ത്യന്‍സ് അറിയിച്ചു. മില്‍സിന് പകരം ദക്ഷിണാഫ്രിക്കയുടെ ട്രിസ്റ്റാന്‍ സ്റ്റമ്പസിനെ മുംബൈ ടീമിലെത്തിച്ചിട്ടുണ്ട്. 10 മല്‍സരങ്ങളില്‍ നിന്ന് മുംബൈക്ക് ഒരു ജയം മാത്രമാണുള്ളത്. ഇന്ന് നടക്കുന്ന മല്‍സരത്തില്‍ ലീഗില്‍ ഒന്നാം സ്ഥാനക്കാരായ ഗുജറാത്ത് ടൈറ്റന്‍സിനെയാണ് മുംബൈ നേരിടുന്നത്.