ഡിസി സ്‌ക്വാഡില്‍ കൊവിഡ് ബാധ; സിഎസ്‌കെയ്‌ക്കെതിരായ മല്‍സരം നടക്കും

മുംബൈ: ഡല്‍ഹി ക്യാപിറ്റല്‍സ് വീണ്ടും കൊവിഡ് ബാധ.സ്‌ക്വാഡിലെ നെറ്റ് ബൗളര്‍ക്കാണ് രോഗം സ്ഥിരീകരിച്ചത്. താരത്തിനൊപ്പം മറ്റൊരു താരത്തിനും രോഗലക്ഷണം കണ്ടെത്തിയിട്ടുണ്ട്.ഇരുവരുടെയും പേര് ഡിസി പുറത്ത് വിട്ടിട്ടില്ല. ടീം സ്‌ക്വാഡ് മുഴുവന്‍ ഐസുലേഷനില്‍ കയറിയിട്ടുണ്ട്. ഇന്ന് താരങ്ങളെ മുഴുവന്‍ പരിശോധന നടത്തും. തുടര്‍ന്ന് ചെന്നൈ സൂപ്പര്‍ കിങ്‌സിനെതിരായ മല്‍സരം തുടരും. സീസണിന്റെ തുടക്കത്തിലും ഡിസി ക്യാംപില്‍ രോഗം കണ്ടെത്തിയിരുന്നു. രാത്രി 7.30നാണ് സിഎസ്‌കെയ്‌ക്കെതിരായ മല്‍സരം.

10 മല്‍സരങ്ങളില്‍ 10 പോയിന്റുള്ള ഡിസി അഞ്ചാം സ്ഥാനത്താണ്. തുടര്‍ന്നുള്ള മല്‍സരങ്ങളെല്ലാം ജയിച്ചാല്‍ ഡിസിക്ക് പ്ലേ ഓഫില്‍ കയറാം. 10 മല്‍സരങ്ങളില്‍ ഏഴിലും തോറ്റ സിഎസ്‌കെയുടെ സെമി മോഹങ്ങള്‍ അവസാനിച്ചതാണ്. എങ്കിലും തുടര്‍ മല്‍സരങ്ങള്‍ ജയിച്ച് സീസണ്‍ അവസാനിപ്പിക്കാനാണ് ചെന്നൈ മോഹം.