Top

ദുബയില്‍ കാണാതായ ചിറയന്‍കീഴ് സ്വദേശിയുടെ മൃതദേഹം കണ്ടെത്തി

ചിറയിന്‍കീഴ് പെരുങ്കുഴി സ്വദേശിയും ദുബയ് - യൂറോപ്പ് റെന്റ് എ കാര്‍ സ്ഥാപനത്തിലെ ജീവനക്കാരനുമായിരുന്ന ദേവകുമാര്‍ ശ്രീധരന്റെ (54) മൃതദേഹമാണ് കണ്ടെത്തിയത്.

ദുബയില്‍ കാണാതായ ചിറയന്‍കീഴ് സ്വദേശിയുടെ മൃതദേഹം കണ്ടെത്തി
X

ദുബയ്: മൂന്നര മാസം മുന്‍പ് ദുബയില്‍ കാണാതായ ചിറയന്‍കീഴ് സ്വദേശിയെ മുങ്ങിമരിച്ച നിലയില്‍ കണ്ടെത്തി. ചിറയിന്‍കീഴ് പെരുങ്കുഴി സ്വദേശിയും ദുബയ് - യൂറോപ്പ് റെന്റ് എ കാര്‍ സ്ഥാപനത്തിലെ ജീവനക്കാരനുമായിരുന്ന ദേവകുമാര്‍ ശ്രീധരന്റെ (54) മൃതദേഹമാണ് കണ്ടെത്തിയത്. ഏപ്രില്‍ 28 നാണ് ഇദ്ദേഹം ദുബയ് നാഇഫിലെ മുറിയില്‍ നിന്ന് പുറത്തുപോയത്. പേഴ്‌സും മറ്റ് രേഖകളുമെല്ലാം മുറിയില്‍ വെച്ചിരുന്നു.

തുടര്‍ന്ന് സുഹൃത്തുക്കളും ബന്ധുക്കളും തിരച്ചില്‍ നടത്തുകയും പരാതി നല്‍കുകയും ചെയ്തിരുന്നെങ്കിലും കണ്ടെത്താനായിരുന്നില്ല. ദുബയ് പോലിസില്‍ നിന്ന് ലഭിച്ച സൂചനകളുടെ അടിസ്ഥാനത്തില്‍ സാമൂഹിക പ്രവര്‍ത്തകന്‍ നസീര്‍ വാടാനപ്പള്ളി മോര്‍ച്ചറിയിലെത്തി മൃതദേഹം തിരിച്ചറിയുകയായിരുന്നു. ഡിഎന്‍എ പരിശോധന നടത്തി ദേവകുമാര്‍ തന്നെയെന്ന് സ്ഥിരീകരിക്കുകയായിരുന്നു. മൃതദേഹം ദുബൈയില്‍ സംസ്‌കരിക്കും. കെ ശ്രീകുമാറിന്റെയും വസുമതിയുടെയും മകനാണ്. ജയകുമാരിയാണ് ഭാര്യ.


Next Story

RELATED STORIES

Share it