കൊവിഡ്: ഒമാനില്‍ ഇന്ന് 438 പേര്‍ക്ക് രോഗം സ്ഥിരീകരിച്ചു; ഏഴ് മരണം

മസ്‌കത്ത്: ഒമാനില്‍ ഇന്ന് 438 പേര്‍ക്ക് പുതുതായി രോഗം സ്ഥിരീകരിച്ചു. ഇതോടെ രോഗബാധിതരുടെ എണ്ണം 90,660 ആയി. രാജ്യത്ത് ഇന്ന് ഏഴ് കൊവിഡ് മരണം കൂടി റിപോര്‍ട്ട് ചെയ്തു. ഇതോടെ കൊവിഡ് ബാധിച്ച് മരിച്ചവരുടെ എണ്ണം 797 ആയി.

185 പേര്‍ക്ക് കൂടി രോഗം ഭേദമായി. ഇതോടെ ആകെ രോഗമുക്തരായവരുടെ എണ്ണം 84113 ആയി. 92.7 ശതമാനമാണ് രാജ്യത്തെ രോഗമുക്തി നിരക്ക്. 488 പേരാണ് നിലവില്‍ ആശുപത്രികളില്‍ ചികില്‍സയിലുള്ളത്. ഇതില്‍ 184 പേര്‍ തീവ്രപരിചരണ വിഭാഗത്തിലാണ്.