ഒഐസിസി ദമ്മാം മലപ്പുറം ജില്ലാ കമ്മിറ്റി വാര്‍ഷികം 17ന്

ദമ്മാം: ഒഐസിസി ദമ്മാം മലപ്പുറം ജില്ലാ കമ്മിറ്റി വാര്‍ഷികാഘോഷത്തോടനുബന്ധിച്ച് ഈമാസം 17ന് പ്രബന്ധരചനാ മല്‍സരവും ഓണ്‍ലൈന്‍ ക്വിസ് മല്‍സരവും സംഘടിപ്പിക്കുന്നു. വിജയികള്‍ക്ക് ആകര്‍ഷകമായ സമ്മാനങ്ങള്‍ വാര്‍ഷികാഘോഷത്തില്‍ വിതരണം ചെയ്യും.

17 ന് ദമ്മാം ജുബൈല്‍ ഹൈവേയില്‍ അല്‍ നുസൈഫ് ഹാളില്‍ നടക്കുന്ന ആഘോഷപരിപാടിയില്‍ മലപ്പുറം ജില്ലാ കോണ്‍ഗ്രസ് അധ്യക്ഷന്‍ വി വി പ്രകാശ് മുഖ്യാതിഥിയാവും. പരിപാടിയില്‍ പ്രമുഖ ടീമുകള്‍ മാറ്റുരയ്ക്കുന്ന ഒപ്പന മല്‍സരം, കുടുംബിനികള്‍ക്ക് പായസം, മൈലാഞ്ചി മല്‍സരങ്ങള്‍, വിവിധ നൃത്തനൃത്ത്യങ്ങള്‍, കിഴക്കന്‍ പ്രവിശ്യയിലെ പ്രമുഖ ഗായികാ ഗായകന്‍മാര്‍ അവതരിപ്പിക്കുന്ന ഗാനമേളയും അരങ്ങേറുമെന്ന് ഒഐസിസി മലപ്പുറം ജില്ലാ പ്രസിഡന്റ് ഗഫൂര്‍ വണ്ടൂര്‍, ജനറല്‍ സെക്രട്ടറി ഹമീദ് മരക്കാശ്ശേരി, കണ്‍വീനര്‍മാരായ അന്‍വര്‍ വണ്ടൂര്‍, അബ്ദുല്‍റഹ്്മാന്‍ എന്നിവര്‍ അറിയിച്ചു.കൂടുതല്‍ വിവരങ്ങള്‍ക്ക് 055 911 3984(പ്രബന്ധ മല്‍സരം) 050 966 4802(ക്വിസ് മല്‍സരം) 055 567 4722, 050 601 3862 എന്നീ നമ്പറുകളില്‍ ബന്ധപ്പെടാം.