വെടിനിര്ത്തലിനിടയിലും റഷ്യയുടെ ഷെല്ലാക്രമണം; ഒഴിപ്പിക്കല് നിര്ത്തിവയ്ക്കേണ്ടി വന്നതായി യുക്രെയ്ന്
ഉച്ചയ്ക്ക് 12.30 മുതല് റഷ്യ മരിയൂപോള്, വോള്നോവാക്ക എന്നിവടങ്ങളില് അടിയന്തര വെടിനിര്ത്തല് പ്രഖ്യാപിച്ചിരുന്നു. പ്രദേശത്തെ ജനങ്ങളെ ഒഴിപ്പിക്കാന് വേണ്ടിയായിരുന്നു വെടിനിര്ത്തല്.
കീവ്: മരിയൂപോളില് വെടിനിര്ത്തല് പ്രഖ്യാപിച്ചിട്ടും റഷ്യ ഷെല്ലാക്രമണം നടത്തുന്നുവെന്ന കുറ്റപ്പെടുത്തലുമായി യുക്രെയ്ന്. ഷെല്ലാക്രമണം തുടരുന്നപശ്ചാത്തലത്തില് ഇവിടെനിന്ന് ജനങ്ങളെ ഒഴിപ്പിക്കുന്നത് നിര്ത്തിവയ്ക്കേണ്ടിവന്നെന്നും യുക്രെയ്ന് പറഞ്ഞു.
ഉച്ചയ്ക്ക് 12.30 മുതല് റഷ്യ മരിയൂപോള്, വോള്നോവാക്ക എന്നിവടങ്ങളില് അടിയന്തര വെടിനിര്ത്തല് പ്രഖ്യാപിച്ചിരുന്നു. പ്രദേശത്തെ ജനങ്ങളെ ഒഴിപ്പിക്കാന് വേണ്ടിയായിരുന്നു വെടിനിര്ത്തല്. ലോകരാജ്യങ്ങളുടെ ആവര്ത്തിച്ചുള്ള അഭ്യര്ത്ഥന കണക്കിലെടുത്താണ് തീരുമാനം. മരിയൂപോളില് നിന്ന് രണ്ട് ലക്ഷത്തോളം പേരെ മാറ്റേണ്ടതുണ്ട് എന്നാണ് അധികൃതര് വ്യക്തമാക്കിയിരിക്കുന്നത്.
കഴിഞ്ഞദിവസം റഷ്യ ആക്രമിച്ച സപോര്ഷ്യ ആണവ നിലയത്തിന്റെ നിയന്ത്രണം യുക്രെയ്ന് തിരിച്ചുപിടിച്ചതായി റിപോര്ട്ടുകള് വ്യക്തമാക്കുന്നു.
ചെര്ണോബിലിലെ ആണവ നിലയം കഴിഞ്ഞ പത്തുദിവസമായി റഷ്യന് സൈന്യം വളഞ്ഞിരിക്കുകയാണ്. ഇവിടത്തെ ജീവനക്കാര് മാനസികമായും ശാരീരികമായും തളര്ന്നിരിക്കുകയാണെന്ന് സ്ലാവുച്ച് മേയര് യൂറി ഫോമിചെവ് പറഞ്ഞു.
കീവിന് അടുത്തുള്ള ഇര്പിന് നഗരത്തിലെ സൈനിക ആശുപത്രിയില് റഷ്യന് സൈന്യം ബോംബ് ആക്രമണം നടത്തി. തെക്കുകിഴക്കന് തുറമുഖനഗരമായ മരിയുപോള് റഷ്യന് സൈന്യം വളഞ്ഞിരിക്കുകയാണ്. മേഖലയുടെ നിയന്ത്രണം റഷ്യയുടെ നിയന്ത്രണത്തിലാണെന്നാണ് റിപ്പോര്ട്ടുകള്.
റഷ്യന് സൈന്യം നടത്തിയ ആക്രമണത്തില് ഇതുവരെ 28 കുട്ടികള് കൊല്ലപ്പെട്ടതായി യുക്രെയ്ന് 840 പേര്ക്ക് പരിക്കേറ്റതായും യുക്രെയ്ന് നാഷണല് സെക്യൂരിറ്റി കൗണ്സില് തലവനായ ഒലെക്സി ഡാനിലോവ് പറഞ്ഞു. ആക്രമണം നടക്കുന്ന മേഖലകളില് സ്ത്രീകള്ക്കും കുട്ടികള്ക്കും രക്ഷപ്പെടാനുള്ള അവസരം ഉണ്ടാക്കണമെന്നും ഡാനിലോവ് അഭ്യര്ത്ഥിച്ചു.
കീവിലെ ബുച്ച നഗരത്തില് കാറില് പോകുകയായിരുന്ന സാധാരണക്കാരുടെ കാറിന് നേര്ക്ക് റഷ്യന് സൈന്യം വെടിയുതിര്ത്തു. 17 വയസ്സുള്ള പെണ്കുട്ടി അടക്കം രണ്ടുപേര് കൊല്ലപ്പെട്ടു. നാലുപേര്ക്ക് പരിക്കേറ്റിട്ടുണ്ട്. യുക്രെയ്ന് നഗരമായ സുമിയിലും ചെര്ണീവിലും റഷ്യ വ്യോമാക്രമ മുന്നറിയിപ്പ് നല്കിയിട്ടുണ്ട്. സുമിയില് നിരവധി ഇന്ത്യന് വിദ്യാര്ഥികള് കുടുങ്ങിക്കിടക്കുന്നതായി റിപ്പോര്ട്ടുണ്ട്.
RELATED STORIES
കല്പറ്റയില് നിര്ത്തിയിട്ട പിക്കപ്പിലേക്ക് ലോറി ഇടിച്ചുകയറി യുവാവ്...
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTഇലക്ട്രിക് കാറിന് തീപിടിച്ചു; നാലംഗ മലയാളി കുടുംബത്തിന് കാലിഫോർണയിൽ...
26 April 2024 11:32 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMT