കേരളത്തിലെ പ്രളയത്തിനും കടലാക്രമണത്തിനും കാരണം സമുദ്രോപരിതല താപനില വര്ധനവ്: ഡോ.വി എന് സജ്ജീവന്
വേമ്പനാട് കായലിന്റെ ആഴത്തിലും ജലസംഭരണ ശേഷിയിലുണ്ടായ വ്യതിയാനം മധ്യകേരളത്തില് പ്രളയം രൂക്ഷമാകാന് കാരണമായി.
കൊച്ചി: ആഗോളതാപനം മൂലമുള്ള സമുദ്രോപരിതല താപനില വര്ധനവാണ് കേരളത്തില് സമീപകാലങ്ങളിലുണ്ടായ പ്രളയം, അതിശക്തമായ ചുഴലിക്കാറ്റ്,കടലാക്രമണം എന്നിവയ്ക്ക് കാരണമെന്ന് സമുദ്രപരിസ്ഥിതി ശാസ്ത്രജ്ഞനും സെന്റര് ഫോര് മറൈന് ലീവിങ്ങ് റിസോഴ്സസ് ആന്റ് ഇക്കോളജി മുന് ഡയറക്ടറുമായ ഡോ.വി എന് സജ്ജീവന് പറഞ്ഞു.
കേരള ഫിഷറീസ് സമുദ്ര പഠന സര്വ്വകലാശാലയില് (കുഫോസ്) ലോക സമുദ്ര ദിനാചരണത്തോട് അനുബന്ധിച്ച് സംഘടിപ്പിച്ച ചടങ്ങില് 'കാലാവസ്ഥ വ്യതിയാനങ്ങള് കര- സമുദ്ര ബന്ധത്തില് വരുത്തിയ മാറ്റങ്ങള്' എന്ന വിഷയത്തില് പ്രഭാഷണം നടത്തുകയായിരുന്നു കുഫോസിലെ അക്വാറ്റിക് റിസോഴ്സസ് മാനേജ്മെന്റ് ആന്റ് കണ്സര്വേഷന് പ്രൊഫസര് ചെയര് കൂടിയായ ഡോ.വി എന് സജ്ജീവന്.
വേമ്പനാട് കായലിന്റെ ആഴത്തിലും ജലസംഭരണ ശേഷിയിലുണ്ടായ വ്യതിയാനം മധ്യകേരളത്തില് പ്രളയം രൂക്ഷമാകാന് കാരണമായി എന്നും ഡോ.വി എന്. സീവന് പറഞ്ഞു. വൈസ് ചാന്സലര് ഡോ.കെ റിജി ജോണ് സമുദ്ര ദിനാചരണ പരിപാടികള് ഉദ്ഘാടനം ചെയ്തു. സമുദ്ര സംരക്ഷണത്തിനായുള്ള പരിശ്രമങ്ങളില് നാം ഒരോരുത്തരും പങ്കാളികളാകണമെന്ന് ഡോ.റിജി ജോണ് പറഞ്ഞു.
രജിസ് ട്രാര് ഡോ.ബി മനോജ് കുമാര്, ഗവേഷണ വിഭാഗം മേധാവി ഡോ.ദേവിക പിള്ള, ഓഷന് സയന്സ് ആന്റ് ടെക്നോളജി ഫാക്കല്റ്റി ഡീന് ഡോ.എസ് സുരേഷ് കുമാര്, ഡോ.ലിംനാ മോള്, ഡോ.സിറാജുദ്ദീന് പ്രസംഗിച്ചു. വിവിധ സര്വ്വകലാശാല ഡിപ്പാര്ട്ട്മെന്റുകളില് നിന്ന് നൂറോളം വിദ്യാര്ഥികളും ഗവേഷകരും പരിസ്ഥിതി പ്രവര്ത്തകരും ഓണ്ലൈനായി പരിപാടിയില് പങ്കെടുത്തു.
RELATED STORIES
രാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMTസമസ്ത തൃശൂര് ജില്ലാ ജനറല് സെക്രട്ടറി പി ടി കുഞ്ഞുമുഹമ്മദ് മുസ്...
26 April 2024 3:37 AM GMTകേരളം ബൂത്തില്; ആദ്യ മണിക്കൂറുകളില് മികച്ച പോളിങ്
26 April 2024 3:23 AM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMT